Kontratat e ISKSH-se,
Farmacitë, çdo recetë on-line 

TIRANE- Për herë të parë, të gjithë subjektet farmaceutike do të plotësojnë një formular "vetëdeklarimi". Sipas drejtoreshës së ISKSH-së, Elvana Hana, ky formular synon që të lehtësojë procedurën e lidhjes së kontratave me farmacitë dhe depot farmaceutike, ndërkohë që dokumentacioni i plotë do të kërkohet në rastet kur ka ndryshime të kritereve të lidhjes së kontratës si dhe për subjektet që lidhin kontratë me ISKSH-në për herë të parë. "Në kontratat me farmacitë për vitin 2012, për të bërë të mundur kontrollin sa më të mirë të barnave me rimbursim, është vendosur për herë të parë marrja e masave me gjobë për çdo vonesë në hedhjen e të dhënave on-line nga ana e farmacive brenda 48 orësh, afat ky i përcaktuar në kontratë", - tha drejtoresha e ISKSH-së. Shkeljet më të rënda kanë penalitetet si më poshtë:
Për mos-hedhjen e të dhënave online brenda 15 ditësh nga farmacitë, kontrata parashikon masa më të forta, më konkretisht vendosjen e kushtit penal prej 20 000 lekë. Dhe në rast se, të dhënat online nuk hidhen nga farmacitë për 1 muaj, farmacisë i zgjidhet kontrata deri në fund të periudhës së kontraktuar.
Edhe kontratat e reja me depot importuese dhe distributore 2012, parashikojnë marrjen e masave për të minimizuar mundësitë abuzive të depove distributore nga shitja e barnave.