POP 5

Lajmet më të lexuara të 5 minutave të fundit

Investigim / Zbulohen kontratat skllavëruese të tregut agro-ushqimor

Pas investigimit të Shqiptarja.com dhe Report Tv lidhur me abuzimet financiare në dëm të tregtarëve nga pronarët e Tregut Agro-Ushqimor të Tiranës (Lexo të plotë), edhe televizioni Top Channel ka denoncuar shkeljet e ndërmarrjes EKMA Albania Sh.p.k duke zbuluar një kopje të kontratës abuzive që tregtarët janë të detyruar të firmosin. Kjo është një kontratë qiraje ku siç shihet në nenin 4 pronarët e tregut vendosin kushte imponuese ndaj tregtarëve, teksa çmimi i qirasë ne keto raste është 72 mijë lekë në muaj, por në kontratë saktësohet se çdo fillim muaj pronarët e tregut kanë të drejtë të rishikojnë qiranë.

Kjo ka sjellë mjaft paqëndrueshmëri e veç kësaj nëse pagesa e qirasë vonohet më shumë se 5 ditë, gjoba ndaj tregtarëve do të jetë 10 mijë lekë të reja, afërsisht 15% e totalit të qirasë. Abuzimi nuk ka të ndalur pasi tregtarët do të lënë 2 muaj qira si garanci tek firma EKMA Albania sh.p.k, ndërsa nëse nuk paguajnë qiranë deri në fund të muajit, detyrohen të braktisin ambienti. Thuhet ndër të tjera në kontratë. 

Sipas Nenit 6 të kontratës, tregtarët janë të detyruar të paguajnë një siguracion për ambientin që marrin me qira: nëse nuk e zbatojnë si kusht, siguracioni do të nënshkruhet nga EKMA dhe vlera e paguar duhet të shtohet mbi qiranë.

Kontrata e tregtarëve të tregut agro-ushqimor me kompaninë EKMA

Ky është tregu i vetëm i shumicës për produktet agro-ushqimore ndaj pronarët e abuzojnë në dëm të tregtarëve. Sipas Autoritetit të Konkurencës që ka denoncuar abuzimet, tregtarët për këto ambiente paguajnë një qira 74% më të lartë se bizneset e tjera të zonës, duke ndikuar kështu edhe në rritjen e çmimeve të produkteve agro-ushqimore për qytetarët. Çmimet i mundësojnë shoqërisë EKMA Albania sh.p.k një normë fitimi shumë të lartë prej 76.1% ku e përkthyer në vlerë monetare do të thotë se kap shifrën prej 380 milionë lekësh të reja vetëm për vitin 2017.

Autoriteti i Konkurrencës i ka vendosur shoqërisë EKMA një gjobë prej 400.000 euro duke e detyruar të ndryshojë brenda 30 ditëve gjithë kushtet e skllavëruse të vendosura në kurriz të tregtarëve (Lexo këtu). Por një gjyqtar i Gjykatës Administrative të Tiranës me një vendim të dyshmitë e ka pezulluar gjobën. Autoriteti i Konkurrencës ka bërë rekurs në Apel. Ndërkohë që nga java tjetër pritet që të fillojë gyqi në themel për të vendosur nëse kushtet e tregtarëve të vendosura nga kompania EKMA janë të ligjshme apo jo.

l.q.//Shqiptarja.com
Komento

Komente

  • Armandi: 09/02/2019 22:48

    Nji kto jan hajdutet e Sali Berishes, qe kane vjell edhe ne prokurori, pyesni si ka marre pafajesi ne prokurori Haxhi Bardha, se nji ky Iliri ce firmos asht mjellosh.pse nuk hetoni leket e ktijna

    Përgjigju
  • Babalja: 09/02/2019 22:33

    Familja e salehut i ka kthetrat nga mos.

    Përgjigju
  • Brumi: 09/02/2019 20:31

    S’keni pare gje akoma. Hetoni oktapodin e spitalit amerikan e ta shihni cdo te gjeni

    Përgjigju
  • Lani: 09/02/2019 19:39

    Klodi krokodili.

    Përgjigju