SHKODËR- 9317 bimë të dyshuara si kanabis janë gjetur dhe sekuestruar në territorin e Qarkut të Shkodrës. Në njësitë administrative Shosh e Pult në zonën e Dukagjinit, u gjetën dhe asgjësuan 4403 bimë. Për këtë rast nisi hetimi në gjendje të lirë për kryetarin e fshatit Ndrejaj, për shpërdorim detyre.

Në njësitë administrative Kastrat e Qendër në Malësi të Madhe u gjetën 347 bimë kanabis, ndërsa në fshatin Kamicë u gjetën 46 bimë të tjera, për të cilat u shpall në kërkim një 52-vjeçar. Në territorin e njësive Shllak e Temal, në Vau Dejës, policia gjeti dhe asgjësoi 4547 bimë. Edhe në Fierzë u gjetën dhe asgjësuan 20 bimë kanabis. Në pjesën më të madhe të rasteve, policia nuk ka të identifikuar autorët e kultivimit, për shkak të zonave të thella ku janë gjetur, megjithatë po vijon puna për identifikimin e tyre të plotë dhe vënien përpara përgjegjësisë ligjore.

Në vetëm një javë, më shumë se 22 mijë rrënjë kanabis sativa u gjetën dhe asgjësuan në qarkun e Shkodrës. Fundjavën e kaluar rreth 13 mijë rrënjë u gjetën në fshatrat Alijaj dhe Jeran të Malësisë së Madhe, të cilat u shkatërruan nga policia. Bimët ishin mbjell në tokë publike, por shumë afër banesave në zona krejtësisht fushore.

Në atë operacion u arrestuan 14 persona dhe u shpallën në kërkim 10 të tjerë, pjesa më e madhe e të cilave familjarë me njëri-tjetrin. Çuditërisht asnjë zyrtar lokal policie dhe kryetar fshatrash nuk u arrestua apo vendos në hetim në gjendje të lirë, megjithatë burimeve pranë bluve pohojnë se vijojnë hetimet për të identifikuar nëse ka pasur bashkëpunim apo shpërdorim detyre.

SI.E./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 20 Shkurt, 08:56

    A është vlerësim për Shqipërinë pjesëmarrja në Bordin e Paqes?

Lajme të tjera