POP 5

Lajmet më të lexuara të 5 minutave të fundit

Bota

Zyrtari i lartë i SHBA kundër korrupsionit global, vizitë në Shqipëri

Koordinatori i qeverisë amerikane për luftën kundër korrupsionit global, Richard Nephew do të mbërrijë javën e ardhshme në Shqipëri. Departamenti Amerikan i Shtetit bën të ditur se Nephew do të vizitojë Tiranën më 20 qershor ku edhe do të takohet me përfaqësues të qeverisë dhe shoqërisë civile

Zyrtari i lartë i SHBA kundër korrupsionit global, vizitë në Shqipëri

Richard Nephew

Koordinatori i qeverisë amerikane për luftën kundër korrupsionit global, Richard Nephew do të mbërrijë javën e ardhshme në Shqipëri. Departamenti Amerikan i Shtetit bën të ditur se Nephew do të vizitojë Tiranën më 20 qershor ku edhe do të takohet me përfaqësues të qeverisë dhe shoqërisë civile.

Ai do të diskutojë për punën që po bëhet në luftën kundër korrupsionit dhe fushat për bashkëpunim e mëtejshëm në përpjekjet kundër korrupsionit.

Koordinatori amerikan kundër korrupsionit global do të udhëtojë edhe në Malin e Zi, Lituani e më pas Shqipërinë nga datat 16-21 qershor.

Vizita e tij do të nënvizojë angazhimin e vazhdueshëm të SHBA-së për të luftuar korrupsionin në Ballkanin Perëndimor, për të forcuar sundimin e ligjit dhe për të adresuar sfidat e vazhdueshme të përbashkëta.

Më 16-17 qershor, Koordinatori Nephew do të vizitojë Podgoricën, Malin e Zi për t'u takuar me zyrtarë qeveritarë dhe përfaqësues të shoqërisë civile. Angazhimet e tij do të diskutojnë përpjekjet e Malit të Zi kundër korrupsionit, do të kërkojnë të identifikojnë fushat për bashkëpunim të mëtejshëm dhe do të theksojnë mbështetjen e SHBA-së për përpjekjet e vazhdueshme për të luftuar korrupsionin.

Koordinatori Nephew do të udhëtojë më pas në Vilnius të Lituanisë në datat 18-19 qershor, ku do t'i bashkohet Konferencës Ndërkombëtare Kundër Korrupsionit, si dhe sesioneve të tjera zyrtare. Ai do të takohet gjithashtu me partnerë të ndryshëm qeveritarë dhe të shoqërisë civile në margjina.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Loran shehu: 14/06/2024 17:10

    Qeka si Majmun e me veth ne vesh

    Përgjigju
    • Tati: 15/06/2024 07:58

      E do takoje, Beqajn, xhaçkën, mamicën e doganave, Lali Erin të 5D, Gonxhen dhe shumë të tjerë syresh si këta qe janë “armiq” të korrupsionit

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë

Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë

25 Dhjetor, 19:23