Nga sot, Tirana ka një tjetër hapësirë kushtuar edukimit dhe zhvillimit të fëmijëve të vegjël. Kryebashkiaku Erion Veliaj dhe deputeti Fatmir Xhafaj vizituan kopshtin e ri në Njësinë 10, i cili e çon në 109 numrin total të çerdheve dhe kopshteve të reja të hapura në kryeqytet në këto 9 vite. Veliaj tha se hapja e institucioneve të reja arsimore do të vazhdojë edhe në zona të tjera të Tiranës, me fokus lagjen “Rilindja” te Unaza e Madhe.
“Më vjen mirë që e çliruam këtë hapësirë dhe e ndërtuam nga e para. Për ne ky është kopshti ose çerdhja e 109-të që hapim në Tiranë. Për dikë mund të duket statistikë, por kur mendon që secila prej tyre është një vatër e madhe, që i ka sjellë një kontribut të jashtëzakonshëm komunitetit, jo vetëm për zhvillimin dhe edukimin e fëmijëve, por edhe për lehtësimin e prindërve, që ata t’i rikthehen karrierës, të sjellin një rrogë tjetër në shtëpi, është vërtet bekim”, tha ai.
Veliaj shtoi se bashkia do të vijojë hapjen e institucioneve të reja arsimore, duke marrë edhe hapësira me qira në ato zona ku nuk ka hapësira publike për t’i shërbyer komunitetit.
“Do të veprojmë si te Fresku, te “Kodra e Diellit”, te lagjja “Rilindja” në Unazën e Madhe, duke marrë ndërtesa me qira aty ku nuk ka hapësira. Kështu, rikuperojmë menjëherë edhe shërbimin e munguar në lagjet e reja”, nënvizoi ai.
Kryetari i Bashkisë siguroi se mbështetja për familjet shqiptare do të vijojë të rritet. Ai njoftoi se bashkia do të vijojë të buxhetojë për çerdhe dhe kopshte të reja, ndërsa pensionistët do të udhëtojnë falas me transportin publik nga 1 janari. Gjithashtu, duke filluar nga shtatori tjetër, të gjithë nxënësit do të kenë ushqim falas në shkollat e Tiranës.
“Ne do të buxhetojmë sërish për çerdhe dhe kopshte të reja, siç do buxhetojmë që në datën 1 janar pensionistët, gjyshërit dhe gjyshet e këtyre fëmijëve, të udhëtojnë falas me autobus. Siç do buxhetojmë që motrat dhe vëllezërit më të mëdhenj të këtyre fëmijëve të kenë ushqimin falas në shkolla nga shtatori i vitit tjetër. Do të jetë një revolucion për t’u siguruar se e njëjta traditë ushqimore, e kalorive, e vitaminave që fëmijët po i marrin në kopshtet dhe çerdhet tona, të vazhdojë edhe në shkollë, që t’i marrin vlerat ushqimore njësoj”, shtoi kreu i Bashkisë.
Veliaj theksoi se standardet e ofruara nga çerdhet dhe kopshtet publike, si në ushqim, higjienë, ndriçim dhe metodologjinë moderne të edukimit “Reggio Emilia,” janë të pakrahasueshme edhe me ato private.
“Ne kemi pas shkolla si “Bedri Llagami” në Vaqarr, kur ti duhet të hyje brenda lokal që ishte ndërtuar në oborr të shkollës dhe të dilje nga ana tjetër e lokalit për t’u futur në shkollë. Me shumë shpresë këto do kthehen në përrallë nga e kaluara sepse nuk mund ta imagjinoj dot që në 2024 të ketë zaptim territoresh. Më vjen mirë që sot ka fituar qytetari, ka fituar publikja dhe nuk ka fituar privatja apo forca e muskulit të dikujt që thotë: Këtë e zura unë dhe nuk ka hapësirë për të tjerët”, deklaroi ai.
Lajme të tjera
-
GJKKO dënon me 2,8 vite burg Vangjush Dakon, ish-kryebashkiaku mungoi në seancë! U akuzua për dy raste shpërdorimi detyre
25 Nëntor, 16:44 -
Ministria e Drejtësisë certifikon 97 studentë të Klinikave të Ligjit, Manja: Qëllim rritja e aksesit në drejtësi dhe përgatitja e një brezi profesionistësh
25 Nëntor, 16:44 -
U ekzekutua në atentat, ja si ka përfunduar makina luksoze e Klaudio Prendit! Vrasësit shenjëstruan xhamin e shoferit të ‘Mercedes G Class’
25 Nëntor, 15:38 -
Tiranë/ Vrasja e 14 vjeçarit, shtohen efektivët e policisë në të gjithë shkollat e kryeqytetit
25 Nëntor, 11:41 -
Pesë net ‘roje’ për të vrarë ndërtuesin! Polici u fsheh në shkallët e një hoteli, refuzon të japë deklarime! I vëllai mohon të ketë lidhje me ekzekutimin e Eduart Reçit, pamjet zbuluan vrasësit
25 Nëntor, 09:17
-
VIDEO/ Në fushë pa Canin, ekipi i Dinamos dhe trajneri emocionojnë me dedikimin për Martinin e vrarë me thikë në zemër
24 Nëntor, 22:19 -
Rrëfehet nga spitali shoku i Martin Canit: Mario më gjuajti me thikë 6 herë, donte të më godiste në zemër! Një burrë më ngriti peshë
24 Nëntor, 21:52 -
Protesta e opozitës më 26 Nëntor/ PD publikon 5 rrugët dhe pikat që do bllokojë në Tiranë! Ja ndarja e deputeteve
24 Nëntor, 18:48 -
Zbardhet vrasja e Eduart Reçit! Hetimet: Polici i komisariatit nr 2 në Tiranë ekzekutoi ndërtuesin, arrestohet dhe i vëllai! Motivi? Konflikte pronësie
24 Nëntor, 15:07
-
'Ata ishin 2 autorë!' Policia do të rimarrë në pyetje babain e shokut të Martinit: Djali tjetër ka pasur thikë më të vogël
24 Nëntor, 12:44 -
Vrasja e 14 vjeçarit, Flutura Açka: U harrua thelbi i familjes po endet drejt spektaklit! Urgjente hapja e shkollës së riedukimit
24 Nëntor, 12:22 -
Vrasja e Martinit, nesër Burgjet vendosin ku do transferohet 14 vjeçari i arrestuar
24 Nëntor, 10:58
