Korçë/ Ofruan 5 mijë euro për të lehtësuar masën e sigurisë për një të dënuar, 3 persona në burg, 1 ‘arrest në shtëpi’, 2 ‘detyrim paraqitjeje’

KORÇË-  Gjykata e Posaçme ka caktuar 3 masa sigurie ‘arrest në burg’, 1 ‘arrest në shtëpi’ dhe 1 ‘detyrim paraqitjeje’, për disa persona të cilët kanë tentuar që të korruptojnë funksionarë publik në Gjykatën e Korçës me qëllim zbutjen e masës së sigurisë ndaj një të dënuari.

Dy sekserët Nikoll Hafesllarin dhe Nikoll Jeskun kanë ofruar 5 mijë euro që të Apeli i Gjykatës së Korçës të zbuste masën e sigurisë ndaj trafikantit të emigrantëve Bledar Kozici. Policia e Shtetit ka ekzekutuar masat e sigurisë ndaj dy sekserëve që janë lënë në burg, ndërsa në arrest shtëpie është lënë avokatja Dajana Kodra.

“Nga hetimet e kryera deri në këtë fazë të hetimit është krijuar dyshimi i arsyeshëm se shtetasit Nikoll Hafesllari, Nikoll Jesku, Dajana Kodra,, Bledar Kozici, Artiana Kozici në bashkëpunim me njëri-tjetrin kanë konsumuar elementët e veprave penale të “Ushtrimi i ndikimit të paligjshëm ndaj personave që ushtrojnë funksione publike” në formën e kërkimit të përfitimit të parregullt të një shume prej 5000 (pesë mijë) eurosh me qëllim ushtrimin e ndikimit në Gjykatën e Apelit Korçë për zbutjen e masës së sigurimit të shtetasit Bledar Kozici, i cili hetohej per veprën penale te parashikuar nga neni 298 i K. Penal”, njofton SPAK.

LEXO EDHE:
Pse u pyet Veliaj? SPAK: S'është person nën hetim! Pas kallëzimit nga Nesti Angoni jemi në hetime paraprake për 4 vepra penale

Ndërkohë, është caktuar masa e sigurisë detyrim paraqitjeje për Dritan Tabakun e Artiana Kozicin.

Masat e sigurisë

1. “Arrest në burg”, ndaj Nikoll Hafesllarit, i dyshuar për kryerjen e veprës penale “Ushtrimi i ndikimit të paligjshëm ndaj personave që ushtrojnë funksione publike”.

2. “Arrest në burg”, ndaj Bledar Kozicit, i dyshuar për kryerjen e veprës penale “Ushtrimi i ndikimit të paligjshëm ndaj personave që ushtrojnë funksione publike”.

3. “Arrest në burg”, ndaj Nikoll Jeskut, i dyshuar për kryerjen e veprës penale “Ushtrimi i ndikimit të paligjshëm ndaj personave që ushtrojnë funksione publike”.

4. “Arrest në shtëpi”, ndaj Dajana Kodrës, e dyshuar për kryerjen e veprës penale “Ushtrimi i ndikimit të paligjshëm ndaj personave që ushtrojnë funksione publike”.

5.  “Detyrimi për t’u paraqitur në policinë gjyqësore”, ndaj Dritan Tabakut, i dyshuar për kryerjen e veprës penale “Moskallëzimi i krimit”.

6.  “Detyrimi për t’u paraqitur në policinë gjyqësore”, ndaj Artiana Kozici,  e dyshuar për kryerjen e veprës penale “Ushtrimi i ndikimit të paligjshëm ndaj personave që ushtrojnë funksione publike”.

TAG:
• spak
• Korce
• Nikoll Hafesllari
• Bledar Kozici
• Nikoll Jesku
• Dajana Kodra
• Dritan Tabaku
• Artiana Kozici

Sondazhi i ditës:

Si ka qene per ju viti 2024?

• I mire

  43.9%

• I keq

  22.8%

• As i mire as i keq

  33.3%

Vota total: 1514

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq