POP 5

Lajmet më të lexuara të 5 minutave të fundit

Kronikë

Korçë/ Refuzoi t’i ndalonte Policisë në rrugë dhe u arratis, në banesë i gjejnë bazën e kokainës dhe lojërave të fatit! Shpallet në kërkim 33-vjeçari (VIDEO)

Policia finalizoi operacionin e koduar “Sundimi i Ligjit”. Më 27 Shtator i dyshuari theu postbllokun dhe iku më shpejtësi, por pas mandatit të Gjykatës për kontroll, u zbuluan sasi kokaine dhe mjete për lojëra të paligjshme fati, që u sekuestruan

Korçë- Një 33-vjeçar i ka shpëtuar aksionit policor duke u arratisur me makinë, teksa gjatë kontrollit të banesës i janë gjetur edhe sasi lënde narkotiku si provë materiale.

Operacioni i koduar “Sundimi i ligjit” çoi në sekuestrimin e dhjetëra dozave kokaine, por edhe në kryerje të aktivitetit të paligjshëm të lojërave të fatit.

Sektori i Antidrogës, me vendim të Gjykatës së Shkallës së Parë Korçë, pasi referuan materialet për kundërshtimin e të dyshuarit në aksionin e datës 27 Shtator, morën mandatin dhe ushtruan kontroll në banesën e shtetasit të shpallur në kërkim M. D., 33 vjeç, banues në qytetin lindor.

“Gjatë kontrollit në këtë banesë u gjetën dhjetëra doza lënde të dyshuar narkotike kokainë, të cilat u sekuestruan në cilësinë e provës materiale. I dyshuari është shpallur në kërkim për veprat penale “prodhimi dhe shitja e narkotikëve”, “organizimi i lotarive të palejuara” dhe “mosbindja ndaj urdhrit të punonjësit të policisë së rendit publik”, njoftoi policia vendore.

Policia sqaroi se ditën e kontrollit të mjeteve në rrugë, i dyshuari s’iu bind urdhrit për t’u ndalur dhe u largua me shpejtësi. Nga këtu lindi dyshimi se ushtronte veprimtari kriminale të shitjes së lëndëve narkotike dhe të organizimit të lojërave të fatit, pasi kishte edhe informacioneve të mbledhura në rrugë operative.

Hetimet po kryhen bashkë me Prokurorinë e Rrethit, teksa 33-vjeçari vijon ende në kërkim.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça