Korçë, tre persona vihen në pranga për vepra të ndryshime penale

Policia e Korçës ka vënë në pranga ditën e sotme 3 persona të shpallur në kërkim për vepra të ndryshime penale.

Në pranga është vënë J.M, 35 vjeç, banues në Korçë, pasi gjykata e ka dënuar me 5 vite e 4 muaj për "Trafikimi i narkotikëve, mbetur në tentativë" dhe "Mosbindja ndaj urdhrit të punonjësit të policisë së rendit publik".

35-vjeçari, në vitin 2016 ka tentuar të trafikojë një sasi prej 11 kg e 400 kanabis sativa në Kapshticë, por sa është pikasur nga policia është larguar me shpejtësi, duke mos iu bindur urdhrit të punonjësve të policisë për të ndaluar dhe ka braktisur mjetin e tij brenda të cilit ishte fshehur sasia e lëndës narkotike, në fshatin Vishocicë.

Ai është arrestuar më pas, në aksin rrugor Korçë-Maliq, ku gjatë kontrollit i është gjetur edhe lënda narkotike.

Po ashtu, blutë e Korçës ka vënë në pranga edhe 27-vjeçarin me iniciale A. N., pasi është dënuar me 4 muaj burg për  “Mashtrimi”.

Personi i tretë i arrestuar nga policia është 35-vjeçari me iniciale Th.D., i cili ishte në kërkim pasi ka përvetësuar një 58-vjeçari nga Korça, shumën prej 200.000 lekë me premtimin se do t'i siguronte këtij të fundit një vend pune pranë një institucioni, duke ndikuar në mënyrë të paligjshme tek drejtuesit e tij.

TAG:
• arrestim
• policia e korces