Aksioneve të SHBA për t’iu përgjigjur testeve bërthamore të Koresë së Veriut tashmë i bashkohen edhe Koreja e Jugut dhe Kina të cilat kanë rënë dakort që të ndërmarrin sanksione ndaj Penianit, nëse ky i fundit vijon me kërcënimin e armëve nukleare.

Masa të tilla janë ndërmarrë pasi këtë muaj Koreja e Veriut feston disa përvjetore cka mund të sjellin testime të reja. Ishte ministri i mbrojtjes së Koresë së Jugut i cili e konsideroi muajin prill të rrezikshëm.

Peniani ka ftuar një numër të madh mediash për të raportuar ditëlindjen e themeluesit të shtetit koreano-verior. Një veprim i tillë është parë si një mbrojtje kundër SHBA.

Ndërkohë Peniani i ka përshkruar sulmet e e Washingtonit mbi Sirinë si një akt të pafalshëm agresioni që tregoi se duhet zhvilluar ideja e zhvillimit të armëve bërthamore.

Në fakt edhe SHBA është treguar më konkrete kundër Kim jong un. Marina amerikane anuloi një vizitë e cila do të duhej të shkonte drejt gadishullit koreano-jugor.

Zyrtarët amerikanë e përshkruan aksionin si një shfaqje force.

Një ditë më parë, këshilltari i presidentit Trump për Sigurinë Kombëtare, H.R. McMaster njoftoi se shefi i Shtëpisë së Bardhë u ka kërkuar zyrtarëve amerikanë t’i paraqesin “opsione” për të eliminuar rrezikun që paraqet militarizimi bërthamor i Penianit. 

Sekretari amerikan i shtetit madje është shprehur se sulmi mbi Sirinë ishte paralajmërim për shtete të tjera si Koreja e Veriut.

Redaksia Online
e.m/Shqiptarja.com