Midis tensioneve në rritje në gadishullin Korean, forcat koreano-jugore dhe ato amerikane kanë nisur manovrat e tyre më të mëdha të përbashkëta në pesë vitet e fundit. Një zëdhënës i Ministrisë së Mbrojtjes të Koresë së Jugut tha se stërvitjet filluan siç ishte planifikuar të hënën. Autoriteti nuk dha asnjë informacion mbi numrin e ushtarëve të përfshirë apo pajisjet ushtarake që po përdoren në këtë manovër. SHBA ka vendosur 28.500 trupa në Korenë e Jugut si një pengesë kundër një kërcënimi të mundshëm nga Koreja e Veriut, një fuqi e vetëshpallur bërthamore.
"Mburoja e Lirisë" zgjat deri më 1 shtator
Nën emrin "Mburoja e Lirisë Ulchi", do të kombinohen mes vete trajnimi me simulime kompjuterike, stërvitjet e përbashkëta në terren dhe një stërvitje e madhe e mbrojtjes civile në Korenë e Jugut. Stërvitja do të zgjatë deri me 1 shtator. Në Seul kanë frikë se manovra do të shkaktojë kundërpërgjigje të ashpra të Koresë së Veriut.
Manovrat kanë rifilluar me kërkesën e presidentit të ri të Koresë së Jugut, Yoon Suk Yeol. Kur mori detyrën në maj, ai njoftoi se do të "normalizonte" stërvitjet e përbashkëta dhe do të forconte masat parandaluese kundër Koresë së Veriut. Regjimi në Phenian akuzon rregullisht SHBA-në se po stërvitet me Korenë e Jugut dhe po përgatit një sulm të mundshëm. Uashingtoni dhe Seuli e mohojnë këtë, duke theksuar se manovrat kanë për qëllim përmirësimin e aftësive mbrojtëse.
Tensionet në rajon kanë përshkallëzuar sërish këtë vit pas një sërë testesh nga Koreja e Veriut të raketave me aftësi bërthamore. Vitet e fundit, Shtetet e Bashkuara dhe Koreja e Jugut kanë reduktuar stërvitjet ose i kanë anuluar ato tërësisht për shkaqe diplomatike. Kur SHBA anuloi stërvitjet verore në Korenë e Jugut në vitin 2018, ajo dëshironte të krijonte mundësi më të mëdha për negociatat mbi programin e armëve bërthamore të Koresë së Veriut. Megjithatë, që nga samiti i dështuar mes SHBA-së dhe Koresë së Veriut në Vietnam në shkurt 2019, negociatat nuk kanë bërë asnjë përparim./DW
Lajme të tjera
-
Lufta në Ukrainë/ SHBA akuzon Rusinë për përdorimin e armëve kimike, Moska e mohon
2 Maj, 08:47 -
Përplasje mes protestuesve në Universitetin e Kalifornisë, mbështetësit e Izraelit sulmojnë pro-palestinezët, 15 të plagosur
2 Maj, 08:34 -
Sondazhi: Shumica e amerikanëve e shohin rrjetin TikTok si mjet ndikimi nga Kina
1 Maj, 22:32 -
Sondazhi: Mbi 50% e amerikanëve nuk kanë besim tek media për mbulimin e zgjedhjeve
1 Maj, 19:30 -
Çmimi i naftës më i ulti në 7 javë, shtohen rezervat amerikane
1 Maj, 19:11 -
Nju Jork, autoritetet: Individë të jashtëm po përshkallëzojnë protestat
1 Maj, 17:07 -
Non gratat pjesë e qeverisë së re në Serbi, DASH: Të zhgënjyer! Vuçiç: I kanë zgjedhur qytetarët
1 Maj, 12:16 -
SHBA/ 3-vjeçari qëllon veten me armën e nënës
1 Maj, 11:59 -
Policia arreston dhjetëra protestues pro-palestinezë në Universitetin Kolumbia
1 Maj, 10:00 -
Trump gjobitet 9 mijë dollarë, gjykatësi e kërcënon me burg nëse përsërit shkeljet
1 Maj, 08:16 -
FBI: Mashtruesit vodhën mbi 3.4 miliardë dollarë nga amerikanët e moshuar në 2023
30 Prill, 22:05 -
Vulin i sanksionuar nga SHBA, pjesë e qeverisë së re të Serbisë
30 Prill, 20:18
