POP 5

Lajmet më të lexuara të 5 minutave të fundit

Arkiva

Koreja e Veriut “rrafshon” qytetin
amerikan me raketa bërthamore/ VD

Gjatë kremtimit të një koncerti për ditëlindjen e themeluesit të Koresë së Veriut Kim Il Sung, televizioni kombëtar ka transmetuar një video ku është ndërtuar një sulm bërthamor kundër SHBA.
Ndoshta nuk është një veprim konkret, por mund të konsiderohet një paralajmërim i rrezikshem pasi Koreja e Veriut transmeton një video ku simulon një sulm bërthamor kundër SHBA.
 
Ndoshta është thjesht “show” por gjatë festimeve për ditëlindjen e themeluesit të shtetit Korean, televizioni kombëtar publikoi një video ku rindërtohet një sulm bërthamor kundër SHBA. Shfaqja duket kaq reale, një raketë ndërkontinentale niset nga Koreja dhe drejtohet drejt SHBA tejkalon Oqeanin Paqësor duke goditur në fund një qytet amerikan.
 
Në imazhe duket një flamur amerikan i cili digjet i rrethuar nga varre. Ndërsa kori këndon një këngë ku thuhet ‘Raketa jonë hidhet, përshkon detin me shpejtësi si një rrufe me synimin për të sfiduar imperialzimin”.
 
Shfaqja muzikore, në të cilën mori pjesë edhe udhëheqësi i shtetit komunist Kim Jong Un, u zhvillua të dielën, një ditë pas paradës madhështore në Penian, që shënoi 105-vjetorin e Kim Il Sung.
 
Koncerti vijoi me pamjet e një testi bërthamor të zhvilluar në muajin shkurt, që në video u shoqërua me lëshime të tjera raketash në qiell, të cilat kalonin mbi Paqësor e godisnin shënjestra të ndryshme në SHBA, duke i kthyer ato në topa gjigandë zjarri.
 
Prej kohësh tensionet mes Washingtonit dhe Penianit janë përshkallëzuar ndërsa retorika mes tyre i ngjason një epoke lufte.
 
Diktatori Kim Jong un herë pas here ndërmerr teste bërthamore të cilat kërcënojnë SHBA dhe aleatët ndërsa këto të fundit bëjnë thirrje që testeve të tilla t’u jepet fund. Kujtojmë se edhe Rezolutat e Kombeve të Bashkuara i ndalojnë Koresë së Veriut të kryejë prova me raketa balistike, me qëllim parandalimin e saj që të bëhet fuqi e plotë bërthamore.


/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Takimi mes Trump dhe Putin, ja shteti që është gati të presë dy liderët

Takimi mes Trump dhe Putin, ja shteti që është gati të presë dy liderët

13 Janar, 08:20