POP 5

Lajmet më të lexuara të 5 minutave të fundit

Bota

Koreja e Veriut lëshon raketë ndërkontinentale në ujërat japoneze, mund të godiste territorin e SHBA! Tokio: E papranueshme

Koreja e Veriut ka lëshuar një raketë balistike ndërkontinentale (ICBM), rrezja e së cilës ishte e mjaftueshme për të goditur territorin e SHBA-së.

Koreja e Veriut lëshon raketë ndërkontinentale në ujërat japoneze, mund të godiste territorin e SHBA! Tokio: E papranueshme

Foto ilustruese

Koreja e Veriut ka lëshuar një raketë balistike ndërkontinentale (ICBM), rrezja e së cilës ishte e mjaftueshme dhe kishte kapacitete për të goditur territorin e SHBA-së. Raketa ra në det afërsisht 210 km (130 milje) në perëndim të Hokkaido, Japoni. SHBA e ka dënuar nisjen e kësaj rakete, ndërsa Koreja e Jugut ka urdhëruar masa më të forta parandaluese kundër Veriut.

Ministri i Jashtëm i Koresë së Veriut, Choe Son Hui, paralajmëroi të enjten për një përgjigje "më të ashpër" ndaj çdo pranie të shtuar ushtarake amerikane. Në po të njëjtën ditë, lëshoi edhe një tjetër raketë balistike me rreze të shkurtër veprimi. Duke folur nga Bangkoku, ku po zhvillohet forumi Apec, kryeministri japonez Fumio Kishida, duke vënë në dukje mungesën e raportimeve për dëmtime të anijeve apo avionëve tha: "Është absolutisht e papranueshme".

Hedhja e raketës erdhi pas takimit të Presidentit të Koresë së Jugut Yoon Suk-yeol, Presidentit të SHBA Joe Biden dhe kryeministrit të Japonisë Fumio Kishida në Kamboxhia. Të premten, zëdhënësja e Këshillit të Sigurisë Kombëtare të SHBA-së, Adrienne Watson tha se Biden ishte informuar dhe SHBA do të konsultohej me partnerët. Shtetet e Bashkuara "dënojnë me forcë Republikën Popullore Demokratike të Koresë për testimin e saj të një rakete balistike me rreze të gjatë". Kështu thuhet në një shënim nga Shtëpia e Bardhë.

Koreja e Veriut ka lëshuar më shumë se 50 raketa gjatë dy muajve të fundit, shumica e tyre me rreze të shkurtër. Ndërsa raketat me rreze të gjatë janë më të rralla dhe përbëjnë një kërcënim të drejtpërdrejtë për SHBA-në, pasi raketat janë projektuar për të transportuar koka bërthamore kudo në kontinentin e SHBA-së.

ICBM-ja e fundit e dyshuar u lëshua në orën 10:15 me orën lokale (02:15 GMT) nga Pheniani, thanë shefat ushtarakë në Seul. Ministri japonez i mbrojtjes Yasukazu Hamada tha se raketa kishte rreze të mjaftueshme për të arritur në SHBA.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Atentati në Vlorë, 30 plumba drejt makinës së Kevin Hajrullës

Atentati në Vlorë, 30 plumba drejt makinës së Kevin Hajrullës

19 Dhjetor, 00:08