POP 5

Lajmet më të lexuara të 5 minutave të fundit

Bota

Koreja e Veriut rinis testimet raketore duke rritur tensionet me rivalët! Japonia: Provokim i qartë, kërcënojnë paqen në gadishull

Si kundërpërgjigje të stërvitjeve ushtarake mes Koresë së Jugut dhe Shteteve të Bashkuara, Koreja e Veriut lëshoi sot disa raketa balistike në kohën kur Sekretari i Shtetit, Antony Blinken ishte në Seul. Japonia dhe SHBA i cilësojnë provokime të qarta.

Koreja e Veriut lëshoi disa raketa balistike me rreze të shkurtër veprimi në ujërat e saj lindore, kanë raportuar vendet fqinje. Testimet janë kryer disa ditë pas përfundimit të stërvitjeve ushtarake mes Koresë Jugore dhe Shteteve të Bashkuara, të cilat verikoreanët i konsiderojnë si përgatitje për pushtim.

Testimet e raketave janë kryer teksa Sekretari amerikan i Shtetit, Antony Blinken, ka qenë në Seul për një konferencë. Ekspertët e huaj kanë paralajmëruar për veprime të tilla të verikoreanëve, dhe ashpërsim të retorikës së luftës, para zgjedhjeve presidenciale të nëntorit në Shtetet e Bashkuara.

Kryeministri japonez Fumio Kishida i ka dënuar veprimet e shpeshta të tilla të Koresë së Veriut, duke thënë se testimet raketore kërcënojnë paqen dhe sigurinë e Japonisë, rajonit dhe shoqërisë ndërkombëtare. Edhe ushtria e Koresë së Jugut ka thënë se i ka vërejtur testimet e raketave, dhe këto veprime i ka cilësuar si provokime të qarta që kërcënojnë paqen në Gadishullin Korean.

Edhe SHBA i ka dënuar këto veprime të Koresë së Veriut, duke thënë se ato kërcënojnë fqinjët e Koresë së Veriut dhe që përkushtimi amerikan për të mbrojtur Japoninë dhe Korenë e Jugut është i hekurt.

SHBA-ja ka rreth 80.000 trupa ushtarake në Korenë e Jugut dhe Japoni. Përgjatë stërvitjeve ushtarake mes SHBA-së dhe Koresë së Jugut, lideri verikorean, Kim Jong Un ka udhëzuar ushtrinë e tij për të rritur përgatitjet për luftë.

M.Q./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Përmbytjet ‘apokaliptike në Spanjë, shkon në 213 numri i viktimave

Përmbytjet ‘apokaliptike në Spanjë, shkon në 213 numri i viktimave

2 Nëntor, 22:53