Koreja e Veriut teston një raketë 
balistike, përfundon në ujërat japoneze

Koreja e Veriut ka lëshuar një raketë balistike nga rajoni i saj perëndimor, thonë autoritetet japoneze dhe të Koresë së Jugut.

Raketa u nis në orën 09:40 lokale (00:40 GMT), nga Banghyon në province veriore të Pyongan, njoftoi agjencia e lajmeve Yonhap duke cituar ushtrinë e Koresë së Jugut.

Tokio tha se raketa mund të jetë rrëzuar në zonën ekskluzive ekonomike të Japonisë në Detin e Japonisë.

Koreja e Veriut ka rritur frekuencën e testeve të saj bërthamore në muajt e fundit duke nxitur tensionet.

Raketa e sotme udhëtoi rreth 930 km dhe fluturoi për rreth 40 minuta, sipas autoriteteve të Koresë së Jugut dhe Japonisë.

Ky është lëshimi i 11-të i raketave të lëshuara këtë vit nga Pheniani.

Sekretari i kabinetit të Japonisë, Yoshihide Suga u tha gazetarëve se,"Provokimet e përsëritura të Koresë së Veriut si kjo janë absolutisht të papranueshme. Ne paraqitëm një protestë të fortë dhe e dënuam atë."

Presidenti i sapozgjedhur i Koresë së Jugut, Moon, ka bërë thirrje për një mbledhje urgjente të këshillit të sigurisë të vendit.

[gallery]22937[/gallery]

Redaksia Online
Er.K/Shqiptarja.com