12.916 raste të reja me koronavirus janë regjistruar në 24 orët e fundit në Itali, pas kryerjes së 156.692 tamponëve.
Ndërkohë, 417 persona kanë humbur jetën në 24 orët e fundit, duke e çuar numrin total të viktimave në 108.350, që nga fillimi i pandemisë.
19725 persona u shëruan ndërsa 462 pacientë të tjerë u shtruan në spital.
![](https://shqiptarja.com/template/img/NO_ALFA_Kuadrate shqiptarja.png)
Spitalet vijojnë të jenë nën presion, ku numri i pacientëve në kujdesin intensiv ka shkuar në 3721.
Në përpjekje për të vënën nën kontroll përhapjen e COVID-19 Italia vendosi të zgjasë masat kufizuese deri në maj, ndërkohë që duke nisur nga sot, më shumë se gjysma e vendit do të jetë në zonën e kuqe, me Kalabrinë, Toskanën dhe Valle d’Aosta-n që do t’u shtohen 7 rajoneve dhe provincës autonome të Trentos në të cilën janë në fuqi kufizimet më të ashpra.
E vetmja zonë e bardhë mbetet Sardenja, ishulli që ka arritur të mbajë nën kontroll më së miri numrin e infektimeve pavarësisht varianteve të reja.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)