Koronavirusi, në Rumani 1800 të infektuar dhe 43 viktima. Ushtria ngre spitalin me 100 shtretër

Në Rumani numri i të prekurve nga Covid -19 është rritur në mbi 1800 teksa viktimat numërohen në 43.

Pas tetë ditë pune, forcat ushtarake të përfshira në emergjencën e koronavirusit kanë ndërtuar një spital fushor pranë portave të Bukureshtit për njerëzit e prekur nga koronavirusi.

Spitali ka mbi 100 shtretër po duket se është vetëm një pikë uji në ‘detin e problemeve’ të sistemit shëndetësorë kombëtar, sidomos në zonat rurale të vendit.

Presidenti i Republikës Klaus Ioannis tha se "Puna e zyrtarëve tanë dhe stafit mjekësor është mbresëlënëse. Në fund të kësaj krize, ne do të kontrollojmë të gjitha spitalet në vend dhe do të marrim të gjitha masat për t’i pajisur ato me mjetet e duhura”.

Me bllokimin e vendit për shkak të përhapjes së epidemisë, për shumë të moshuar kontakti i vetëm me botën është ai me vullnetarët që shpërndajnë ushqime dhe ndihma të vëna në dispozicion nga autoritetet.

Sipas të dhënave zyrtare në Rumani deri më tani ka 43 viktima dhe 1800 të infektuar

Në Turqi, personat e identifikuar të infektuar nga Covid-19 janë rreth 9200 për një total vdekjesh prej rreth 130 viktimash.

Më shumë se 1150 persona janë prekur nga infeksioni i koronavirusit në Greqi kurse numri i vdekjeve ka shkuar në 40.

Në Serbi, autoritetet raportojnë për 741 të identifikuar me koronavirusi dhe 13 viktima, në Kroaci ka 713 të infektuar dhe 6 vdekje, në Hungari janë regjistruar 450 të prekur nga infeksioni dhe 15 viktima kurse në Kosovë ka 94 të identifikuar me infeksionin e koronavirusit dhe 1 viktimë

Lajmi kryesor:

Ulen shifrat e të prekurve, rritet numri i viktimave, rekord të shëruarit në 24 orët e fundit në Itali nga koronavirusi

TAG:
• SHBA
• donald trump
• Koronavirus