Koronavirusi, OBSH zbarkon në Wuhan, Korea e Jugut epiqendër e re e epidemisë

Misioni i përbashkët i udhëhequr nga Organizata Botërore e Shëndetit, Qendrat e Kontrollit dhe Parandalimit të Sëmundjeve të Shteteve të Bashkuara dhe Institutet Kombëtare të Shëndetit nga Singapori, Korea e Jugut, Japonia, Nigeria, Gjermania dhe Rusia kanë zbarkuar në Wuhan, në Kinë. Ekipi përfshin specialistë të epidemiologjisë, virologjisë, menaxhimit klinik, kontrollit të epidemive dhe shëndetit publik.

Koreja e Jugut ka konstatuar 87 raste të tjera të infeksionit koronavirus, duke e çuar totalin në 433 dhe duket se po kthehet në epiqendrën e re të përhapjes së epidemisë së koronavirusit.

Qyteti Daegu me 2.5 milion banorë në Korenë e Jugut prej ditës së djeshme, gjithnjë e më shumë po ngjan me qytetin ku lindi vdekja, Wuhan në Kinë.

Rrugët kanë filluar të boshatisen teksa edhe mjaftë njësi shërbimi kanë reduktuar oraret dhe të tjerë janë mbyllur pas lajmit të lëshuar nga autoritetet se një superpërhapëse e koronavirusit ka infektuar shumë besimtarë në kishën e qytetit.

Edhe Irani ka regjistruar deri tani 5 vdekje nga epidemia e virusit teksa 750 raste mbahen nën vëzhgim si të dyshuara ndërsa media lokale spekulon dhe thotë se numri i të infektuarve është shumë herë më i madh.

Lajmi kryesor:

Në Itali shënohen dy viktimat e para nga koronavirusi, të paktën 51 të infektuar, Kryeministri Giuseppe Conte: Ska vend për panik

TAG:
• itali
• evropë
• viktime
• Koronavirus