Receta

Koropoqe me lëng - Tradita çame nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 7 Dhjetor 2023, 12:17 | Përditesimi: 7 Dhjetor 2023, 12:20

Koropoqe me lëng - Tradita çame

Përbërësit:

1 e 1/2 fç miell gruri
1 e 1/2 fç miell misri
4 kokrra vezë
1 gotë kos
1 fk vaj ulliri
Gjalpë
Kripë

Për lëngun :

LEXO EDHE:
Pulë me oriz në furrë nga zonja Albana

2 lgj miell
3 lgj gjalpë të tretur
2 thelpinj hudhër
2 gota kos
3 vezë
1 gotë lëng mishi
Kripë

Përgatitja:

Në një tas vendosim miellin e grurit, më pas shtojmë miellin e misrit duke e situr, hedhim vezët, kosin, vajin e ullirit dhe kripën. Zëmë brumin dhe e lemë të pushojë për 30 minuta. Pasi brumi ka pushuar e hapim mbi tryezën e punës si një petë të trashë. E presim në shirita me anë të një thike ose prerëse kuzhine dhe më pas e ndajmë në katrorë sa më të vegjël. I spërkasim katrorët e prerë me pak miell dhe i skuqim në një tigan me vaj dhe gjalpë. Ndërkohë paralelisht me skuqjen e koropoqeve (mini-petulla) përgatisim lëngun apo salcën me të cilën do të bëjmë servirjen. Kaurdisim miellin së bashku me gjalpin. Sapo mielli të marrë ngiyrë e shuajmë me një gotë lëng mishi. Shtojmë hudhrat e shtypura dhe vezët e rrahura me kosin. Rregullojmë shijen me kripë dhe piper dhe e lëmë masën derisa të lidhet. Vendosim tek lëngu koropoqet, bëjmë një spërkatje me gjalpë të tretur dhe e servirim gatimin të ngrohtë.

MC/Shqiptarja.com

TAG: