Ministrja e Drejtësisë Etilda Gjonaj, në rolin e Kordinatores Kombëtare Antikorrupsion bëri bilancin e një viti pune në krye të kësaj njësie gjatë një konference të përbashkët me ambasadorin e BE-së Luigi Soreca. Ndërsa prezantoi arritjet dhe rezultatet në lidhje me parandalimin dhe luftën kundër korrupsionit në vitin 2018, Gjonaj siguroi shqiptarët se viti 2019 do të jetë vendimtar dhe sinjifikativ për të shënuar më shumë rezultate në lidhje më luftën kundër korrupsionit.
Me ngritjen e KLGJ dhe KLP, ministrja siguroi se do të ndëshkohen edhe zyrtarët e lartë të përfshirë në çështje korrupsioni. “Ngritja e institucioneve të reja të drejtësisë si mekanizma që do të garantojnë edhe ndëshkimin e zyrtarëve të lartë të përfshirë në çështje korrupsioni do të jetë një hap shumë i rëndësishëm që do të ndihmojnë në rifitimin e besimit të publikut tek sistemi i drejtësisë dhe do të shënojnë një gur themeli në luftën kundër korrupsionit”,- tha Gjonaj.
Në prag të ngritjes së KLP dhe KLGJ, institucionet do ta bëjnë të pandalshme zbatimin e reformës në drejtësi, ministrja apeloi për një proces të drejtë dhe transparent dhe inkurajoi pjesëmarrjen e gjyqtarëve dhe prokurorëve.
“Përfitoj nga rasti duke mbajtur në konsideratë se nesër dhe pasnesër do të mbahen dy mbledhjet më të rëndësishme për dhënien jetë dy organeve qeverisëse të sistemit të Drejtësisë, Këshilllit të Lartë Gjyqësor dhe Këshillit të Lartë të Prokurorisë, të inkurajoj të gjithë gjyqtarët dhe prokurorët të marrin pjesë në mbledhjet e përgjithshme respektive, për të ushtruar detyrimet dhe përgjegjësitë e tyre në zgjedhjen e kandidatëve të KLGJ dhe KLP. Inkurajoj dhe nxis dhe drejtuesit e mbledhjeve të përgjithshme respektivisht për gjyqtarë dhe prokurorë për të garantuar një proces të drejtë, transparent, të qetë për ti treguar qytetarëve se gjyqtarët dhe prokurorët kanë kurajo për zbatimin e reformës në drejtësi”,- u shpreh ministrja.
Ndërsa duke u ndalur tek rezultatet konkrete, përgjatë 1 viti ministrja tha se janë marrë 296 masa administrative, që janë masa të cilat jepen institucioneve për përmirësimin e veprimtarisë së tyre dhe 445 masa disiplinore për drejtues dhe punonjës të administratës, të gjetur në shkelje ligjore dhe afera korruptive, nga të cilët 33% janë për pozicione në nivel drejtues.
“Nga këto masa disiplinore vlen të theksoj se 102 prej tyre janë largime nga puna. Ndërsa 36 punonjës janë kallëzuar penalisht pranë organeve të Prokurorisë, pasi kanë qenë të dyshuar për veprat penale të korrupsionit apo shpërdorimit të detyrës”, vijoi ministrja.
Ministrja Gjonaj është shprehur se lufta kundër korrupsionit është një nga sfidat më të rëndësishme për qeverinë, rezultatet e së cilës impaktojnë në mënyrë të drejtpërdrejt jetën e përditshme të qytetarëve e në të njëjtën kohë edhe zhvillimin ekonomik, social e kulturor të vendit, sikurse edhe rruga e vetme prej nga kalon procesi i integrimit të vendit në familjen e madhe europiane.
Janë pikërisht këto arsye madhore, sipas ministers Gjonaj që e kanë shndërruar luftën kundër korrupsionit dhe forcimin e shtetit ligjor në një betejë të detyrueshme për t’u fituar dhe në një objektiv real të Qeverisë Shqiptare.
Lajme të tjera
-
Rrugëtimi drejt BE, deputetja Gjonaj në Report Tv: Brenda dhjetorit hapim negociatat për kapitujt e politikës së jashtme! PD në krizë, ne vijojmë punën
16 Tetor, 17:39 -
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Diskutohen në kuvend reformat për institucionet demokratike! Tabaku: S'kemi ende reformë të plotë të Kodit Zgjedhor! PS: Të bashkëpunojmë për platformë konkrete, lini akuzat
20 Shtator, 14:51 -
Zgjidhet kryesia e re e PS-së, EMRAT që la jashtë Edi Rama, dhe kë fuqizoi! Ikën Beqaj, Xhaçka, Bushati e Subashi! VOTAT që morën anëtarët e rinj! Erion Braçe i pari
8 Shtator, 12:55 -
‘Antikorrupsioni’, Braçe: Kontrolli i figurës së zyrtarëve, me detyrim
19 Korrik, 13:30 -
Braçe dhe Gjonaj propozojnë ndryshime për mbrojtjen nga duhani: Të ndalohet reklamimi në media! Distributorët të mbajnë përgjegjësi
16 Korrik, 10:50 -
Drafti/ Burg kush i shet cigare të miturve! Braçe: Cepat e Kuvendit plotë bishta, ekspertët e shëndetit e pinë vet
10 Qershor, 15:57
-
KiE vendime historike për Shqipërinë dhe Kosovën, Gjonaj: Reforma në drejtësi ka vlerësim maksimal! SPAK sulmohet pasi është në rrugën e duhur
17 Prill, 18:22 -
DRAFTI/ Kush u shet cigare të miturve burg deri 8 vite! Dënohen me 16 vite nëse shitja e paligjshme sjell vdekje
10 Prill, 20:50
-
Përfundoi misionin në Shqipëri, Soreca: Ishte nder dhe kënaqësi të drejtoja Delegacionin e BE-së
15 Nëntor 2023, 20:47 -
Pandëshkueshmëria, Soreca: SPAK të vijojë luftën pa trysni politike e pa ndërhyrje
15 Nëntor 2023, 18:55 -
Anuloi mbledhjen e Komisionit të Integrimit, Tabaku: E pafalshme të kishim skena kaosi në sy të ambasadorit Soreca
13 Nëntor 2023, 11:17
