Kosovë, 11 persona në pranga
sekuestrohen 17 kg heroinë

Gjatë një operacioni të policisë së Kosovës është arritur të sekuestrohen 17 kg heroinë dhe të vihen në pranga 11 persona, 10 nga të cilët kosovarë dhe një turk.

Në shtëpinë e të dyshuarit të parë janë gjetur 17 kg substancë narkotike që dyshohet se është e llojit heroinë, dhe një sasi e preparateve për përzierje të substancave narkotike, një peshore, një mikser si dhe janë sekuestruar 15.287.00 euro.

Në veturën e njërit nga të dyshuarit janë gjetur 150 gram substancë narkotike që dyshohet të jetë e llojit heroinë. Në shtëpi i janë gjetur 2.400 euro dhe një pistoletë e tipit “Cërvena Zastava” 7.65 mm dhe 50 fishekë 7.65 mm.

Shuma e përgjithshme e heroinës së konfiskuar është: 17kg e 150gr dhe ajo e parave të konfiskuara është: 17.985.00 euro. ah/shqiptarja.com/