Gjatë operacionit të kërkimit nën rrënojat e shtëpisë së përmbysur nga dëbora ekipet e Forcës së Sigurisë së Kosovës gjetën trupin e pajetë të një tjetër anëtari të familjes Reka. Sipas RTK, viktima u gjet rreth orës 13.35. Ndërkaq Komandanti i Forcës së Sigurisë së Kosovës, gjeneral Kadri Kastrati e shpalli të përfunduar operacionin e FSK-së në Restelicë. Një ortek i fuqishëm dëbore goditi afro 15 shtëpi të shtunën në fshatin Restelicë të Dragashit duke shkaktuar vdekjen e dhjetë anëtarëve të familjes Reka. Por, nxjerrja e gjallë nga rrënojat e të voglës së familjes Reka, Amserës pesë-vjeçare e vetmja e mbijetuar në Restelicë, ishte një mrekulli e kësaj tragjedie të rëndë, që pikëlloi jo vetëm Kosovën.
(aq/shqiptarja.com)