Kosova anëtare me të drejta të plota
në KON, Miro: Vend real i sportit

Kosova është bërë anëtare me të drejta të plota e Komitetit Olimpik Ndërkombëtar, një hap që u mundëson sportistëve kosovarë të marrin pjesë në kualifikimet për Lojërat Olimpike Rio 2016 dhe në edicionet e ardhshme të Lojërave Olimpike.

Vendimi është marrë në kongresin e KON-it i cili është duke u mbajtur në Monako. Duke arsyetuar aplikacionin e Kosovës për anëtarësim të plotë, Pierre Miro tha se Kosova është një vend i sportit.

“Kosova është një vend real i sportit me një strukturë reale të sportit, me 34 federata 8 nga të cilat janë të pranuara ndërkombëtarisht me status të plotë dhe 4 me status të pjesshëm”, tha Miro.

Në tetor të këtij viti, Bordi Ekzekutiv i Komitetit Olimpik Ndërkombëtar (IOC) kishte marrë vendim për njohjen e përkohshme të Komitetit Olimpik të Kosovës dhe kishte propozuar që Komitetit Olimpik të Kosovës t'i jepet njohje e plotë në sesionin e ardhshëm të IOC që do të mbahet në dhjetor në Monako.

Komiteti Olimpik i Kosovës është themeluar në vitin 1992 dhe inkorporon më shumë se 30 federata kombëtare, 13 nga të cilat janë federata të pranuara ndërkombëtarisht.

Nga këto, gjashtë janë anëtarë të plotë të federatave përkatëse ndërkombëtare, ndërsa shtatë të tjera janë anëtare të përkohshme apo të asociuara.

Bordi Ekzekutiv i IOC-së, kishte vënë në dukje se Komiteti Olimpik i Kosovës ka përmbushur kërkesat për pranim të përshkruara në Kartën Olimpike. Këto përfshijnëkriteret sportive dhe teknike si dhe përkufizimin e "vendit", sipas përcaktimit në Rregullin 30.1 - "një shtet i pavarur i njohur nga bashkëia ndërkombëtare".

Kosova është njohur si shtet nga 108 shtete anëtare të OKB-së, nga gjithsej 193.



Redaksia Online
(g.f/Shqiptarja.com)