Kosovë/ 8 të infektuar në 24 orët e fundit! Pas disa ditësh shënohet 1 viktimë! 320 raste aktive me COVID

Ambulanca infektive në Kosovë

Në 24 orët e fundit në Kosovë janë regjistruar 8 raste të reja me koronavirus nga 1,098 testime të kryera. Fatkeqësisht 1 qytetar nuk e ka fituar betejën me COVID gjatë këtyre 24 orëve.

Krahasuar me një ditë më parë, kemi rritje të rasteve pasi dje u regjistruan 2 të infektuar. Sa i përket viktimave, pas disa ditësh me radhë që nuk kishte fatalitete sot u regjistrua një i vdekur.

Gjatë këtyre 24 orëve në Kosovë janë dhënë 607 doza vaksine, ndërsa që prej fundit të marsit, kur në Kosovë nisi fushata e imunizimit, e deri më 30 nëntor, në Kosovë janë administruar 1,615,360 doza vaksine.

Mësohet se me dy doza janë vaksinuar 761,595 persona dhe me një dozë, 853,765. Në Kosovë përdoren vaksinat e Pfizer/BioNTech dhe AstraZeneca. Të drejtë për t’u vaksinuar kanë të gjithë personat mbi 12 vjeç.

Autoritetet shëndetësore në vend njoftojnë se në 24 orët e fundit 9 qytetarë janë shëruar, ndërsa në total numri i rasteve aktive është 320.

 

M.Ç/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Basha apo Berisha, sipas jush kush e ka mbështetjen e anëtarësisë së PD-së?



×

Lajmi i fundit

John

Modric dhe Benzema i japin Realit trofenë e parë sezonal