POP 5

Lajmet më të lexuara të 5 minutave të fundit

Kosova & Rajoni

Kosovë/ Kuvendi miraton dërgimin e Forcave të Armatosura në misionin e dytë jashtë vendit

Me 77 vota për, deputetët e Kuvendit të Kosovës kanë miratuar që pjesëtarë të Forcës së Sigurisë së Kosovës të dërgohen në misionin e dytë paqeruajtës jashtë vendit. 

Kosovë/ Kuvendi miraton dërgimin e Forcave të Armatosura në misionin e dytë jashtë vendit

Një pjesëtar i Forcës së Sigurisë së Kosovës

Me 77 vota për, deputetët e Kuvendit të Kosovës kanë miratuar që pjesëtarë të Forcës së Sigurisë së Kosovës të dërgohen në misionin e dytë paqeruajtës jashtë vendit.

Sipas një marrëveshjeje me Mbretërinë e Bashkuar, disa pjesëtarë të FSK-së do të dërgohen në Ishujt Falklands. Një ditë më parë, Qeveria tha se në këtë mision do të dërgohen deri në shtatë pjesëtarë të FSK-së dhe se “ky mision mund të zgjasë deri në tre vjet, me mundësi vazhdimi”. Ky mision jashtë vendit financiarisht do të mbulohet nga buxheti i Kosovës, ndërkaq pjesëtarët e FSK-së do të jenë nën komandën e forcave të armatosura të shtetit pritës.

Kosova dhe Mbretëria e Bashkuar në shtator të këtij viti nënshkruan marrëveshjen për bashkë-zbarkimet e forcave të tyre në misionet ushtarake jashtë këtyre dy shteteve.

Marrëveshje të ngjashme Kosova ka edhe me Shtetet e Bashkuara të Amerikës. Si rezultat i bashkëpunimit me forcat amerikane, një kontingjent i FSK-së kishte marrë pjesë në misionin e parë jashtë vendit më 2021, përkatësisht disa pjesëtarë u dërguan në Kuvajt.

FSK-ja numëron afër 2.500 trupa të rregullt dhe 800 rezervistë. Numri i forcave të saj të rregullta pritet të dyfishohet kur të mbarojë procesi i transformimit. Forca e Sigurisë së Kosovës ka nisur procesin e transformimit të plotë në ushtri më 2018. Ky proces pritet të zgjasë dhjetë vjet./REL

S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56