Kosovë/ Masakra në Istog, arrestohet një person i dyshuar për krime lufte

Kosovë/ Masakra në Istog, arrestohet një person i dyshuar për krime lufte

Foto ilustruese

Policia e Kosovës ka arrestuar më 19 tetor një burrë me incialet E.B., të komunitetit boshnjak, nën dyshimet se ai është përfshirë në veprën penale “krime lufte kundër popullsisë civile” në periudhën 1998/99 në një fshat në Komunën e Istogut.

Autorizimin për arrestim e ka dhënë Prokuroria Speciale e Kosovës. Në një komunikatë për media është thënë se Njësia për Hetimin e Krimeve të Luftës, ka zhvilluar “hetime intensive lidhur me krimet e kryera nga forcat e armatosura të Serbisë gjatë periudhës kohore të viteve 1998/99 në Kosovë”.

Sipas Policisë, prokurori i çështjes ka lëshuar aktvendim për arrestim të përkohshëm dhe ndalim policor të të dyshuarit në kohëzgjatje prej 48 orësh.

Në vitet 1998/99 në Kosovë është zhvilluar një luftë e iniciuar nga regjimi i atëhershëm serb.

Lufta ka lënë mbi 13.000 civilë të vrarë dhe mijëra të tjerë të zhdukur. Mbi 1.600 persona vazhdojnë të jenë ende të pagjetur – pjesa më e madhe e tyre shqiptarë. Kosova ka shpallur pavarësinë në vitin 2008 dhe njihet nga mbi 100 vende të botës.

Serbia nuk e njeh pavarësinë e saj dhe në Kushtetutë vazhdon ta konsiderojë atë si pjesë të territorit të saj./REL

S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Lushnjë, lejuan 37 ndërtime pa leje në 2019-2022, dënohen 12 persona! Mes tyre  2 kryeinspektorë dhe 2 inspektorët e IKMT-së

Lushnjë, lejuan 37 ndërtime pa leje në 2019-2022, dënohen 12 persona! Mes tyre 2 kryeinspektorë dhe 2 inspektorët e IKMT-së