/ATSH/ .- Me ftesë të Sekretarit Amerikan të Shtetit, John Kerry, ministri i Punëve të Brendshme i Republikës së Kosovës, Skënder Hyseni, i shoqëruar nga një delegacion, u nis sot për një vizitë zyrtare disaditore në Shtetet e Bashkuara të Amerikës.
Në njoftimin për shyp të MB-së theksohet se ministri Hyseni do të marrë pjesë në Samitin e Shtëpisë së Bardhë për luftën kundër ekstremizmit të dhunshëm (White House Summit on Countering Violent Extremism), i cili do të jetë në nivel ministrash.
Samiti do t'i zhvillojë punimet në 18 dhe 19 shkurt. Qëllimi i Samitit, i cili do të sjellë në Uashington aktorët kyç të qeverive nga e gjithë bota, është zhvillimi i një axhende veprimi për adresimin e ekstremizmit të dhunshëm.
Gjatë qëndrimit në Washington, ministri Hyseni do të ketë edhe një sërë takimesh të ndara në Departamentin Amerikan të Shtetit, Departamentin e Drejtësisë, FBI,