COVID-19 në Kosovë, regjistrohen 2250 infeksione të reja dhe 4 viktima në 24 orët e fundit

KOSOVË- Në 24 orët e fundit në Kosovë 2.250 qytetarë kanë rezultuar me COVID-19, ndërsa 4 të tjerë nuk arritën të fitojnë betejën me koronavirusin. Prej ditësh Kosova po regjistron shifra të larta infektimesh, ndërsa varianti delta duket se po përhapet me shpejtësi.

Bëhet me dije se 154 qytetarë janë shëruar nga virusi, ndërsa që nga fillimi i pandemisë në vend 106.700 persona kanë arritur ta fitojnë luftën me koronavirusin.

Në të gjithë vendin, numri total i infektimeve ka shkuar në 125.348, ndërsa i viktimave në  2.307. Ndërkaq, numri i rasteve aktive është rritur ndjeshëm, ku përkatësisht në të gjithë vendin numërohen 16.341 qytetarë.

LEXO EDHE:
Mbyllet edhe një institucion paralel në veri të Kosovës

Në lidhje me numrin e personave që janë vaksinuar kundër COVID-19, Ministria e Shëndetësisë bën me dije se 22.245 qytetarë kanë marrë dozën e vaksinës anti-COVID në 24 orë. Që nga fillimi i procesit të vaksinimit në muajin mars, 666.476 persona janë vaksinuar gjithsej, ndërsa 227.581 prej tyre i kanë marrë të dyja dozat e vaksinës.

Kujtojmë që për shkak të rritjes së infektimeve, nga sot në Kosovë u futën në fuqi masa të reja anti-COVID. Deri më 1 shtator klubet e natës do të jenë të mbyllura, ndërsa ora policore do të shkojë në 22:30 për të gjitha baret e restorantet. Për tu futur në restorante qytetarët duhet të vërtetojnë për mes certifikatës së vaksinimit që kanë rezultuar negativ me anë të një testi PCR ose kanë marrë vaksinën anti-COVID. Teksa numri i personave që do të lejohen nëpër dasma do të reduktohet nga 300 në 150.

TAG:
• kosove
• Koronavirus
• Viktimat Covid

Sondazhi i ditës:

Si ka qene per ju viti 2024?

• I mire

  43.8%

• I keq

  22.8%

• As i mire as i keq

  33.4%

Vota total: 1518

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq