POP 5

Lajmet më të lexuara të 5 minutave të fundit

Kronikë

Kostoja ekonomike dhe mungesa e stafit, planifikohet mbyllja e 9 gjykatave

Përveç Gjykatës Kushtetuese dhe asaj të Lartë që janë jashtë funksionimit për shkak të vettingut, kolapsi me drejtësinë pritet që të thellohet akoma më shumë në muajt në vijim.

Pas vettingut që ka nxjerrë jashtë sistemit gjyqtar e prokuror, sistemi i drejtësisë pritet të preket nga një tjetër reformë. ReportTv ka mësuar ekskluzivisht se përgjatë një takimi me krerët e gjykatave mbajtur 3 ditë më parë KLGJ ka prezantuar draft projektin e shkrirjes së plot 9 gjykatave.

Sipas burimeve për ReportTv reforma e cila do të çojw në mbylljen e gjykatave të shkallës së parë në rrethe prek gjykatën e Kurbinit, Përmetit, Sarandës, Burrelit, Tropojës, Pukës dhe Pogradecit.

KLGJ ka dalë në këtë konkluzion pasi në këto rrethe është krijuar mungesë e theksuar gjyqtarësh ku sipas ligjeve në fuqi për shkallën e parë duhen 7 gjyqtarë minimalisht, ndërsa edhe kostot ekonomike janë të larta.

Reformimi pritet të kap edhe gjykatat e apelit ku është cilësuar si e nevojshme mbyllja e apelit Gjirokastër si dhe shkrirja në një të vetme e apelit Durrës me apelin e Tiranës.

Ndërkohë pas kësaj tryeze ku diskutimet kanë qenë pa praninë e medias dhe me praninë e grupeve të interesit përfshi dhe krerët e gjykatave, ka reaguar edhe kryebashkiaku i Kavajës që kërkon të mos mbyllet gjykata në qytetin drejtuar prej tij.

Ky projekt sipas KLGJ pritet të diskutohet më gjerësisht me opinionin publik por deri atëherë këto gjykata do të jenë funksionale paçka se në 70 % të tyre delegohen gjyqtarë nga Tirana, Durrësi, apo Shkodra.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Vranësira e temperatura deri në 14 gradë celsius, parashikimi i motit për sot

Vranësira e temperatura deri në 14 gradë celsius, parashikimi i motit për sot

16 Janar, 07:15