POP 5

Lajmet më të lexuara të 5 minutave të fundit

Arkiva

Kotzias: Marrëveshja Shqipëri-
Greqi e 2009-ës, është e vdekur

Ministri i jashtëm, Kotzias, ka mohuar akuzat që deputetja e partisë Demokratike, Bakojanis ka  hedhur kundrejt qeverisë gjatë një interpelance  në parlamentin grek. Bakojanis ka shprehur se qeveria e trajton në mënyrë të papërgjegjshme dhe pa u pajtuar me forcat politike çështjen e rëndësishme kombëtare për kufirin detar me Greqinë. VIDEO
Kotzias: Marrëveshja Shqipëri-<br />Greqi e 2009-ës, është e vdekur<br>
Ministri i jashtëm, Kotzias, ka mohuar akuzat që deputetja e partisë Demokratike, Bakojanis ka  hedhur kundrejt qeverisë gjatë një interpelance  në parlamentin grek. Bakojanis ka shprehur se qeveria e trajton në mënyrë të papërgjegjshme dhe pa u pajtuar me forcat politike çështjen e rëndësishme kombëtare për kufirin detar me Greqinë.

Ajo ka shtuar se qeveria është e gatshme të shkelë marrëveshjen reciprokisht të dobishme të nënshkruar nga Greqia dhe Shqipëria në vitin 2009. Në lidhje me këtë, Kotzias është shprehur se nuk është e mundur të shkelet një marrëveshje që tashmë është fantazmë. Ai shprehu se nuk do të ndryshojë 100% e zonës detare, por vetëm 9%.  Kotzias theksoi marrëveshja e 2009  nuk erdhi në ratifikim në Parlament nga qeveritë e mëparshme.  "Një marrëveshje e vërtetë që do të zgjidhë çështjet teknike është më mirë se një marrëveshje fantazmë", është shprehur Kotzias.

Gazeta Kathimerini shkruan se Kotzias përpara parlamentit është shprehur se ai ndodhet përballë  tri alternativave: “ose të mos bëjmë marrëveshje, ose të pranojmë vendimet e Gjykatës Kushtetuese, ose të përpiqemi të korrigjojmë çështjet teknike”. “Unë pres deklaroi Kotzias që të kemi një mirëkuptim dhe bashkëpunim. Sa herë që të doni, unë jam në dispozicionin tuaj për t’ju informuar. Nuk është mirë të nxirren përfundime nga raportet e shtypit.

Ministria e Jashtme e Shqipërisë është në një mosmarrëveshje me Presidentin shqiptar”- ka theksuar Kotzias. Bakojani e akuzoi Kotzias se grupi negociator grek është zgjedhur në sekret të plotë dhe pa meritokraci. Kotzias në përgjigjen  e tij tha se grupi negociator i palës greke  përbëhet nga 10 persona për të cilët  janë ekspertë të fushave të ndryshme dhe me kredibilitet. “Grupi ynë negociator përbëhet nga 10 persona. 8 janë zyrtarë të ministrisë së jashtme, një personalitet i të drejtës ndërkombëtare dhe një specialist i hartografisë” deklaroi Kotzias në parlamentin grek.

d.gj/ Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Modena/ Dy ‘skifterët’ shqiptarë grabitën 400 mijë euro mall në tetë ditë, 19 vjedhje në seri! Njëri i dënuar dhe për plagosje, plaçkitjet me orar

Modena/ Dy ‘skifterët’ shqiptarë grabitën 400 mijë euro mall në tetë ditë, 19 vjedhje në seri! Njëri i dënuar dhe për plagosje, plaçkitjet me orar

28 Nëntor, 16:34