Tirane- Kolegji i Posaçëm i Apelimit konfirmon në detyrë prokurorin e Tiranës, Saimir Hysa. Në mënyrë unanime trupa gjykuese e KPA-së vendosi sot lënien në fuqi të vendimit të Komisionit të Pavarur të Kualifikimit duke aplikuar parimin e objektivitetit dhe proporcionalitetit lidhur me gjetjet për një çështje dhe bilancin negativ të shtrirë në vite, që u cilësua modest.
Operacioni Ndërkombëtar i Monitorimit, ONM rekomandoi apelimin e vendimarrjes së Komisionit, duke sugjeruar që disa prej gjetjeve në kriterin profesional dhe atë të pasurisë, të verifikoheshin nga KPA. Bazuar në këtë rekomandim, Komisioneri Ballhysa ushtroi ankim, duke kërkuar në përfundim gjatë konkluzioneve përfundimtare të hënën, konsiderimin e gjetjeve në kriterin e pasurisë dhe të profesionalizmit në vlerësimin tërësor të çështjes, si dhe shkarkimin e këtij subjekti rivlerësimi.
Prokurori Hysa i kundërshtoi si të pabazuara shkaqet e ankimit duke theksuar se pasuria e tij është e provuar, si dhe se figura e tij është e konfirmuar nga gjithë institucionet përkatëse. Ai këmbënguli se kishte kryer si duhet detyrën e tij dhe vërejti se nuk mund të cënohej vendimi i Komisionit nga disa letra të dërguara në institucionet e vetingut, si dhe kërkoi lënien në fuqi të konfirmimit.
Kryesuesja e trupit gjykues të Kolegjit, Rezarta Schuetz lexoi të mërkurën vendimin e përmbledhur për Hysën. Ajo vërejti se disa prej pretendimeve të Komisionerit në lidhje me kriterin profesional nuk qëndronin. Megjithatë, u evidentua se për një vendim mosfillimi, subjekti ka dështuar të bëjë verifikimet e duhura para se të arrinte në konkluzionin përfundimtar, pavarësisht paqartësive që mund të kishte pasur kallëzimi.
Kjo gjetje, së bashku me një bilanc negativ total në shumën rreth 780 mijë lekë të shtrirë në vite për krijimin e disa pasurive, u çmuan në parimin e proporcionalitetit dhe objektivitetit, si të pamjaftueshme për të ndryshuar vendimin e Komisionit për prokurorin Hysa, shkruan BIRN.
Komente
Lajme të tjera
-
KPA lë në fuqi shkarkimin e prokurorit të Lushnjës Artan Hazbi
20 Nëntor, 10:51 -
Apeli i GJKKO-së i përgjysmon dënimin Ardian Hajdarit, ish-anëtarit të Kolegjit të Posaçëm të Apelimit! Akuzohet për fshehje dhe mosdeklarim pasurie (VENDIMI)
18 Nëntor, 12:21 -
KPA konfirmon shkarkimin e gjyqtares së Apelit në Tiranë, Evjeni Sinojmeri
14 Nëntor, 16:43 -
KPA konfirmon shkarkimin e prokurores së Kurbinit, Ajola Prençi
14 Nëntor, 11:18 -
KPA u thotë 'stop' gjyqtarëve dhe prokurorëve: Nuk kemi tagër të rishikojmë vendimet tona të shkarkimit
14 Nëntor, 10:47
-
Nuk justifikoi dot 7,1 mln lekë, Vetingu i KPA shkarkon gjyqtaren e Lushnjës! Mbetet në fuqi vendimi i KPK për Saemira Hilën
12 Nëntor, 16:41 -
S’u parashikua asnjë fond për buxhetin 2025, i paqartë tranzicioni i vetingut! Zbardhen 2 shkresat e Komisionerit Publik drejtuar Kuvendit
10 Nëntor, 09:48
-
Buxheti 2025 rrezikon të fusë në ngërç tranzicionin e procesit të Vetingut
8 Nëntor, 18:09 -
Hektor Mushi nuk justifikoi dot pasurinë, KPA e Vettingut lë në fuqi shkarkimin e prokurorit të Elbasanit! Detajet e dosjes (VENDIMI)
31 Tetor, 16:50 -
Zvarriti dosjen 3 vjet/ ILD kërkoi ulje me 40% të pagës për prokurorin e Shkodrës, KLP jep vetëm vërejtje
29 Tetor, 12:39 -
KPA lë në fuqi shkarkimin e prokurorit të Sarandës, Lorenc Mërkuri
26 Tetor, 21:51 -
KPK e shkarkoi gjyqtaren Matilda Shalla më 2022 për shkak të pasurisë, Vettingu i KPA lë në fuqi vendimin për magjistraten e Fierit
23 Tetor, 16:34
E meriton Roshi, si bavarez qe eshte loz per champions dhe se shpejti e duam pjese te Spak????????
PërgjigjuKonfirmim i merituar.Një ndër prokurorët më të mirë,më dinjitoz, më objektiv e më profesional në Prokurorinë e Tiranës. Për atë ç'ka është dhe ç'ka përfaqëson e mbron, uroj të bëhet pjesë e strukturave më të larta të sistemit të drejtësisë. Respekt dhe suksese për Prokuror Hysën!