Ambasadori shqiptar në Amerikë, Ervin Bushati, do të marrë pjesë në ceremoninë e inaugurimit të Presidentit Trump. 

Fillimisht vendimi ishte ndaluar nga KQZ duke e kategorizuar si të “ndaluar” këtë aktivitet të ambasadorit Bushati, sepse raportimi nuk është bërë përpara 5 ditëve siç e kërkon ligji, por vetëm 3 ditë para. 

Por disa orë më pas publikimit në shqiptarja.com KQZ deklaroi se me vendim të Komisionerit, konsideruar rrethanën justifikuese të mos respektimit të afatit 5 ditor, veprimtaria është lejuar.”

"Arsyeja e Lejimit: Ka dërguar ftesën e Shteteve të Bashkuara të Amerikës për ceremoninë e betimit të Presidentit të ri Amerikan"

Ministria jonë e Jashtme e ka deklaruar këtë aktivitet pranë KQZ-së, sipas detyrimit që ka çdo institucion që nga 11 janari në 11 maj, në mënyrë që asnjë të mos i përdorë postet publike për avantazhe elektorale.