Kraja drejt përfundimit të mandatit, me 16 dhjetor do të zgjidhet kreu i ri i SPAK

TIRANË- Në 16 dhjetor do të zhvillohen intervistat me 3 kandidatët për kreun e Spak. po këtë ditë do të bëhet edhe votimi për pasardhësin e Arben Krajës. 

Mandati 3-vjeçar i kreut aktual të SPAK-ut, Arben Kraja, mbaron në datën 18 dhjetor.

Tre kandidatët janë Adnan Xholi, Edvin Kondili dhe Altin Dumani. KLP ka administruar edhe platformat e tyre. Sipas relacionit kandidatët plotësojnë kushtet ligjore.

Si zgjidhet kreu i SPAK?
Drejtuesi i Prokurorisë së Posaçme, sipas nenit 148/dh, pika 3, të Kushtetutës, emërohet me shumicë votash nga Këshilli i Lartë i Prokurorisë, në radhët e prokurorëve të Prokurorisë së Posaçme. Mandati i kreu të SPAK-ut është 3 vjet dhe nuk ka të drejtë që të rizgjidhet për një mandat të dytë. Arben Kraja përfundon mandatin në datën 19 dhjetor. Më 19 dhjetor merr detyrën drejtuesi i ri dhe Kraja mbetet prokuror i SPAK, pasi si prokuror mandati është 9 vite.

Cili prej tre kandidatëve në garë ka shansin të zgjidhet kreu i ri i SPAK?
Një ndarje korrekte do të ishte triumfi me 6 vota nga 11 në total të anëtarëve të SPAK, siç Arben Kraja mundi të fitonte në 2019-ën. Por në kushtet e tre kandidatëve në garë ky kombinim nuk është i lehtë, edhe pse jo i pamundur. Tre kandidatët tashmë duhet të shtrijnë influencën e tyre tek KLP, teksa u duhet të bindin anëtarët e kësaj të fundit për vota. Nuk ka një ndarje perfekte për emrin favorit, gjithçka pritet të qartësohet në ditët në vijim, por surpizat nuk përjashtohen.

Cilat janë kompetencat e kreu të SPAK?
Kreu u SPAK është më shumë një administrator i institucionit dhe nuk ka asgjë në dorë të ndikojë mbi dosjet. Ai nuk mund t’i japë udhëzime një prokurori për hetimet. Kjo është e ndaluar me ligj. Por, kreu i SPAK-ut u cakton çështjet prokurorëve të posaçëm bazuar në specializimin e tyre, koordinon punën e agjencitë dhe institucionet e tjera, paraqet buxhetin për SPAK-un dhe Byronë e Hetimit në Kuvend, paraqet në KLP raportin vjetor të punës së SPAK-ut, thërret në mbledhje prokurorët e posaçëm, nxjerrë vetëm udhëzime të përgjithshme pa ndërhyrë në hetime për SPAK-un dhe Byronë e Hetimit si dhe miraton rregulloret e firmosura nga drejtori i Byrosë së Hetimit. Gjithashtu, drejtuesit të Prokurorisë së Posaçme i jep ‘ok’ kreu të Byrosë për emërimin e hetuesve të Byrosë Kombëtare të Hetimit. Edhe gjatë mbledhjeve të SPAK-ut, kryeprokurori ka të drejtë vetëm të japë mendime dhe të diskutojë. Kreu i SPAK-ut jep mendime për rregulloren e brendshme administrative të organizimit të SPAK, lidhur me përshkrimet e punës të të gjitha kategorive të nëpunësve civilë, për ngritjen e komisioneve të brendshme sipas nevojës, mbi projektbuxhetin si dhe diskuton çdo çështje tjetër me rëndësi për veprimtarinë e Prokurorisë së Posaçme.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Liku: 02/12/2022 14:00

    Largohet dhe komshiu gjirit te lalzit

    Përgjigju
  • emigranti: 02/12/2022 12:54

    Me ne fund do zevendesohet miku i ciftit banditesk Brisha-Metaj nga kryesia e SPAKUT pas nje derrmimi qe i beri krimit te organizuar te lidhur e te drejtuar nga Non Grata dhe spioni Metaj! Metaj dhe Berisha u cfiliten nga Kraja dhe do u duhen shume vite te mrrin veten!Bravo zoti Kraja,e mbajte fjalen dhe politika u pastrua nga elementet e korruptuar,vrases e kriminele me disa dosje te reja e shume te vjetra ne kurriz!Meriton nje dekorate nga mjeshtri i madh i dekoratave ,spioni Metaj!Mbaroi loja e dyfishte e Krajes me Amerikanet apo do e vazhdoje si kolone e peste brenda spakut akoma?Kush e di kete ?!

    Përgjigju
  • Iliri: 02/12/2022 12:50

    Spak i takon ta drejtojë .Altin duamani njeri serioz korrekt dhe prefewionist

    Përgjigju
    • !!!: 02/12/2022 13:37

      Njelloje jane te gjithe, asnje shprese nga mollet e krimbura ne te njejten shporte!

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Koncesioni ‘politik’ PS-Rithemelimi, Korreshi në 'Frontline': Nuk do pengojmë SPAK-un

Koncesioni ‘politik’ PS-Rithemelimi, Korreshi në 'Frontline': Nuk do pengojmë SPAK-un