POP 5

Lajmet më të lexuara të 5 minutave të fundit

Kosova & Rajoni

Krasniqi: Për shpifjet e kurdisjet
mafioze, nuk kërkoj mbështetje

Krasniqi shkruan në profilin e tij në Facebook, se nuk do të kërkojë mbështetje e as përkrahje nga askush, për siç thotë, shpifjet, kurdisjet e kombinimet e pista ndaj tij.
PRISHTINE - Kryetari i Kuvendit të Kosovës, Jakup Krasniqi, ka shkruar në profilin e tij në rrjetin e tij social Facebook, se nuk do të kërkojë mbështetje e as përkrahje nga askush, për siç thotë, shpifjet, kurdisjet e kombinimet e pista të ndonjë organizimi mafioz.
 
“Për angazhimin tim politik dyzetvjeçar në shërbim të kombit e të atdheut, për çdo veprim a mos veprim timin në çdo etapë të këtij angazhimi e veprimi me përkushtim, nga askush e më nga askush nuk kërkoj mbështetje a përkrahje, e më se paku e kërkoj këtë mbështetje për shpifjet, kurdisjet e kombinimet e pista të ndonjë organizimi mafioz”, ka shkruar ai.
 
“Jam më se i bindur se në asnjë fazë të veprimit tim politik, përfshirë edhe veprimet e mija në luftën çlirimtare, nuk ka e nuk mund të gjendet asnjë veprim që ka rënë ndesh me ligjet ndërkombëtare të luftës, a normën e traditës sonë kombëtare. Edhe vitet e burgut në shpirtin tim e kanë forcuar humanizmin dhe dhembshurinë.

Sigurisht që këtë ma ka mundësuar edukimi im familjar dhe atdhetar, të marr me dashuri nga mendjet më të ndritura të kombit, e pse jo edhe nga mendjet më te ndritura të lëvizjeve revolucionare botërore e të mendimit politik botëror. I falënderohem edhe Zotit që më ka lindur dhe mi ka hapur rrugët e veprimit atdhetar, të njerëzishëm e human për t’i shërbyer me devotshmëri kombit dhe atdheut tonë dhe jo vetëm atëherë kur kërkohen e gëzohen privilegjet”, ka shkruar më tej Krasniqi.
 
Redaksia online
(ac/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ për rreth 55 mijë emigrantë

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ për rreth 55 mijë emigrantë

28 Janar, 22:00 nga Danjela Maloku