Krasniqi: Pas reformës në drejtësi
radha e politikës,ndaj ka rezistencë

Pas reformës në drejtësi faktori ndërkombëtar ka projektuar reformën në sistemin politik. Sipas analistit dhe politologut Afrim Krasniqi është kjo arsyja që politika ka filluar të shfaqë rezistencë ndaj reformës në drejtësi pasi e di tashmë se pas gjyqwsorit radha i takon vetë asaj.

“Nuk do të kishtë kuptim që të kërkohet verifikimi i pasurisë dhe pastërtia për një gjyqtar dhe kjo të mos kërkohet per treshen kryesore te vendit , kryeministrin kryetarin e Kuvendit dhe liderin e opozitës”- thekson se Krasniqi duke lënë të kuptohet se politika e kuptoi me vonesën taktikën e ndërkombëtarëve që synon jo vetëm pastrimin e gjyqësorit por edhe të vetë politikës më pas. 

Gjithashtu Krasniqi u shpreh se reforma në drejtësi do të kalojë këtë pranverë në referendum dhe një gjë e tillë do të ishte në favor të shumicës që do të fitonte pikë edhe në aspektin politik. Krasniqi i bëri këto deklarata gjatë një interviste në emisionin “Rreze Dielli”.

Redaksia online
(s.m/shqiptarja.com)