Kremlini: Gazetarët e Perëndimit nuk mund të akreditohen për forumin ekonomik

Kremlini ka thënë të shtunën se gazetarët nga “shtetet jomiqësore”, nuk do të lejohen të marrin pjesë në Forumin Ekonomik Ndërkombëtar, që mbahet në Shën Petersburg. Presidenti rus, Vladimir Putin, e ka përdorur ndër vite këtë forum për të tërhequr investime globale në Rusi.

“Këtë herë është marrë vendim që të mos akreditojmë publikues të shteteve jomiqësore”, ka thënë zëdhënësi i Kremlinit, Dmitry Peskov për agjencinë e lajmeve TASS.

LEXO EDHE:
Ish-këshilltari amerikan: Trump s’ka ide si t'i japi fund luftës në Ukrainë

“Interesimi për forum është gjithmonë i madh, të gjithë gazetarët tjerë do të jenë të pranishëm”, ka thënë Peskov.

“Shtete jomiqësore”, është definicion i përdorur nga Moska për t’i përshkruar ato vende që e kanë sanksionuar për luftën e nisur në Ukrainë, në shkurt të vitit të kaluar.

Kremlini e ka përsëritur disa herë se Evropës nuk do t’ia “mbyllë” dritaren - të cilën Petri i Madh i Rusisë ka tentuar ta hapë 300 vjet më parë - pavarësisht sanksioneve të periudhës së fundit.

Lajmi kryesor:

Lufta/ Belgorod, urdhër për evakuimin e civilëve! Kievi: Kjo tregon të ardhmen e Rusisë! Zelensky: Janë vrarë mbi 500 fëmijë ukrainas nga rusët

SI.E./Shqiptarja.com

TAG:
• lufta ne ukraine
• rusia sulmon ukrainen