Receta

Krepa me miell integral nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 20 Maj, 11:43 | Përditesimi: 20 Maj, 11:44

Krepa me miell integral

Përbërësit:

500 ml qumësht
250 gr miell
50 gr gjalpë
3 kokrra vezë
Pak kripë

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Në një enë qelqi, hedhim miellin dhe pak kripë. I trazojmë dhe shtojmë me ngadalë qumështin duke e trazuar vazhdimisht që mos të krijohen kokrra. Shtojmë edhe vezët e rrahura më parë me një pirun. Vazhdojmë ta rrahim mirë masën. Shkrijmë gjalpin në banjëmari ose në mikrovalë, e lëmë të ftohet pak dhe e bashkojmë me masën e përgatitur. I trazojmë mirë të gjithë përbërësit derisa të arrijmë një masë të lëngshme e homogjene. Ndërkohë nxehim tiganin e krepëve, e lyejmë me pak gjalpë dhe hedhim në qendrën e tij një garuzhde me masën e përgatitur. E hapim mirë duke përthyer tiganin, e lemë të piqet krepi përreth një minutë e më pas e kthejmë nga ana tjetër. E hedhim në një pjatë e vazhdojmë kështu derisa të kemi mbaruar gjithë brumin e përgatitur. Pasi janë pjekur, mbushjen mund ta bëjmë sipas dëshirës, të ëmbël apo të kripur.

MC/Shqiptarja.com

TAG: