POP 5

Lajmet më të lexuara të 5 minutave të fundit

Bota

Kreu demokrat i Senatit, Schumer: Gjyqi i ish-presidentit Trump fillon në javën e dytë të shkurtit

Gjyqi i ish-Presidentit Donald Trump do të fillojë në javën e dytë të shkurtit, tha udhëheqësi i shumicës në Senat, Chuck Schumer të premten, pasi Dhoma e Përfaqësuesve të dorëzojë zyrtarisht akuzën në Senat të hënën.

Gjyqi në Senatin amerikan për ish-presidentin e Shteteve të Bashkuara, Donald Trump, me akuzat për “nxitje të kryengritjes” për shkak të dhunës në 6 Janar si pasojë e së cilës humbën jetën 5 persona, do të nisë më 8 shkurt.

Lideri i shumicës në Senat  Chuck Schumer, ka bërë këtë njoftim pasi ka diskutuar për datën me përfaqësuesit republikanë.

Udhëheqësja e Dhomës së Përfaqësuesve Nancy Pelosi planifikon të dërgojë padinë kundër Trumpit në Senat më 25 janar, për të nisur procedurat fillestare në ditën pasuese.

“Gjyqi do të mbahet në Senatin e Shteteve të Bashkuara dhe do të ketë votim nëse duhet të dënohet presidenti”, ka thënë Schumer në një fjalim në dhomën e Senatit.

Trump - presidenti i parë amerikan ndaj të cilit janë ngritur dy herë akuza për shkarkim, dhe i pari që gjykohet pasi i ka përfunduar mandati. Qëllimi i kësaj procedure është ndalimi që Trump të marrë një detyrë publike në të ardhmen dhe në veçanti ndalimi i rikandimit të tij në të ardhmen, si president i SHBA.

Trump pas humbjes në Zgjedhjet presidenciale  të 3 nëntorit, ka vazhduar me akuzat e tij ndaj për manipulim të zgjedhjeve. Ai ka bërë thirrje të vazhdueshme për protesta të cilat çuan edhe në  sulm ndaj Kongresit më 6 janar. Tanimë Trump është vendosur në Florida aty edhe ku do të presë tanimë gjyqin e tij.  

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Shqipëria në panairin FITUR në Spanjë, tërheq vizitorë, Rama: Premton shumë për një tjetër vit fantastik turistik

Shqipëria në panairin FITUR në Spanjë, tërheq vizitorë, Rama: Premton shumë për një tjetër vit fantastik turistik

26 Janar, 10:44