Lufta në Lindjen e Mesme mund të shkaktojë një krizë energjitike më të keqe sesa kriza e viteve 1970 dhe ndikimet fillestare të pushtimit të Ukrainës nga Rusia në 2022 së bashku.

Ky ishte paralajmërimi i Fatih Birol, drejtor ekzekutiv i Agjencisë Ndërkombëtare të Energjisë, në komentet e tij për mediat australiane gjatë një eventi për shtyp në Canberra.

“Shumë prej nesh e mbajnë mend dy krizat e naftës njëra pas tjetrës në vitet 1970… atëherë, në secilën nga krizat, bota humbi rreth pesë milion fuçi naftë në ditë, dhe të dyja së bashku, 10 milion fuçi në ditë,” tha Birol. “Sot kemi humbur 11 milion fuçi në ditë, pra më shumë se dy kriza të mëdha të naftës së bashku.”

Ai shtoi se asnjë vend “nuk do të jetë imun” ndaj pasojave energjetike të krizës, pasi transportet e naftës dhe gazit natyror të lëngshëm (LNG) që kalojnë përmes kanalit jetik të Ngushticës së Hormuzit, mbeten të bllokuara nga bllokada iraniane.


Lajmi kryesor:

Afati i Trump për hapjen e Hormuzit drejt fundit! Teherani zotohet për kundërpërgjigje: Nëse sulmoni centralet tona energjetike, do të minojmë ato në Gjirin Persik