Kreu i AMA-s te "Media", opozita:
Ordiner, ty të nxjerrësh prej leckash

TIRANE - Raportimi i kreut të Autoritetit të Mediave Audiovizive për punën e këtij institucioni përgjatë vitit 2014 nuk ka kaluar pa debate në Komisionin parlamentar të Medias. Deputetët e opozitës shpërfillën rendin e ditës duke kaluar në akuza personale kundrejt kreut të AMA-s Gentjan Sala. Pasi mbledhja eshte ndezur nga debatet, opozita braktisi komisionin.

Ja debatet në Komisionin parlamentar të Medias
 
Pollo: Deputetët e opozitës e kanë cilësuar të paligjshëm shkarkimin e Endira Bushatit 
Pollo i drejtohet Salës: Në CV tuaj nuk përmendet nje punë e juaja. Kjo tregon se e keni fshehur.
Peza: Kjo është jashtë rendit të ditës. Të ftuarit janë për tjetër gjë, përmbajuni rendit të ditës.
Hoxha: Ne nuk mund të kapërdijmë më këtë fshehje. Sala nuk ka deklaruar që ka punuar, ndërkohë që Instituti i Sigurimeve thotë ndryshe. 
Sala: Nuk kam gënjyer. Duhet të keni kujdes me atë që thoni. Nuk mund të më thoni mashtrues. Unë mbaj përgjegjësi penale për këtë.
Pollo: Ne nuk mund të vazhdojmë mbledhjen po largohemi.

(Debate në sallë)

Hoxha i thotë Salës: Mashtrues e kokrra e mashtruesit, ordiner. Ty duhet të të nxjerrësh prej leckash.

(Ikën opozita)

(Sala vijon raportimin për punën e AMA-s gjatë 2014-ës)
 
Sala: 60 përqind e kabllorëve vijojnë të shkelin procedurat. Procedura për shkëputjen e marrëdhënieve nga puna ka shkaktuar dëm financiar. Janë bërë kontrolle pafund, gjoba pafund, por detyrimet financiare nuk janë paguar

Pa asnjë dyshim nuk do të ketë asnjë shkelje që nuk do dërgohet, thjesht po përgatisim dokumentacionin, pra çështje procedurash, por për këdo që ka shkel ligjin do shkojnë atje ku ligji e përcakton
 
Dixhitalizimi
Sala: Afatet për dixhitalizimin kanë kaluar. Afati nuk kapet por do bëjmë ç’është e mundur që të fillojë procesi në zona urbane. Do e mbrojmë TVSH që procesi të jetë transparent. Secili në proces të ketë pjesën e vet. Fokusi ynë publiku

Redaksia Online
(Gre.M/Shqiptarja.com)