Gratë të gjithë spektrit politik u bashkuan në një nismë duke krijuar Aleancën kombëtare të këshilltareve bashkiake, një platformë që synon fuqizimin e grave të vajzave dhe nxitjen e përfaqësimit të tyre në qeverisjen vendore.
E konceptuar me dy bashkëkryetarë, një e PS dhe një e PD, aleanca synon që të gjitha vendimet për çështjet që do trajtojnë t’i marrë unanimisht, duke dalë përtej përfaqësimit politik .
“Gratë anëtare të këshillave bashkiakë shpallin Aleancën Kombëtare të këshilltareve bashkiake. Bazohet në një përvojë 10 vjeçare të bashkëpunimit të grave këshilltare. Do vijojë të jetë platformë për fuqizimin e grave dhe vajzave dhe nxitjen e përfaqësimit në nivel bashkie të spektrit të gjerë politik”, tha Silda Anagnosti bashkëryetare e Alencës PS.
“Aleanca do funksionojë mbi 5 shtylla kryesore: fuqizimi politik dhe ekonomik i grave dhe vajzave, akses i përmirësuar në shërbimin social, reforma legjislative dhe lufta kundër dhunës me baze gjinore. Bordi ka kaluar vendimet të gjitha unanime”, tha Arta haluci, bashkëkryetare e aleancës PS.
Nisma për krijimin e Aleancës Kombëtare të Këshilltareve u mbështet nga ambasada e Zvicrës dhe ajo e Suedisë, ku ambasadorja zvicerane Ruth Huber inkurajoi gratë të ngrenë zërin dhe të rrisin nivelin e përfaqësimit të tyre në politikë. Edhe ambasadori suedez Niklas Strom, tha se zëri i grave për të përcjellë problemet e shoqërisë është shumë i rëndësishëm.
Në mbështetje të grave këshilltare bashkiake, ishin edhe deputetet, Etilda Gjonaj dhe Dhurata Cupi, pjesë e aleancës së grave deputete.
