Krijohet grupi për zgjedhjen e kandidatëve të Këshillit të BSH

Procesi i plotësimit të vendeve të lira për anëtarët e Këshillit Mbikëqyrës të Bankës së Shqipërisë duhet të përfundojë gjatë nëntorit. Një grup pune ka nisur seleksionimin e tyre. Në të bëjnë pjesë ministrat Arben Ahmetaj, Shkëlqim Cani, kreu i Komisionit parlamentar të Ekonomisë Erjon Braçe, sekretarja e përgjithshme e Kuvendit Albana Shtylla dhe nënkryetari i LSI Petrit Vasili.

Nga 150 aplikantët do të seleksionohen tre, që do t’i propozohen Kuvendit. Ndërkohë, nuk ka asnjë njoftim për përzgjedhjen e kandidatit për guvernator nga Presidenca.