KOSOVË- Me ngjyrën e qiellit blu dhe diellit, ngjyrat e flamurit kosovar artistja Arbnora Fejza nga komuna Skënderaj theu rekordin Guinness pasi ka krijuar mozaikun më të madh me Origami në botë.
Flamuri i Republikës së Kosovës kurrë nuk ka qënë kaq i madh dhe i bukur!
“Me shumë emocione dhe krenari, dua t’ju njoftoj që Guinness World Records sapo ka aprovuar rekordin tonë për Mozaikun më të Madh Origami – Flamurin e Republikës së Kosovës. Të gjitha detajet dhe linkun zyrtar do t’i ndajmë me ju nesër. Këtë flamur e kemi ndërtuar me shumë punë e përkushtim për të festuar ditën e pavarësisë, e ky certifikim është një vulë se puna e mirë shpërblehet në fund ç’do here”, ka thënë ajo.
Artisja ka punuar për të arritur rezultatin final prej 1 viti e 4 muajsh me shumë përkushtim dhe pasion.
“1 vit përgatitje, 4 muaj për të krijuar mbi 120,000 fletëpalosje origami, 13 orë punë intensive me gjithë ekipin për të krijuar Mozaikun më të Madh Origami më Flamurin e Republikës së Kosovës dhe për të vendosur një rekord të ri botëror”, ka thënë ajo.
Lidhur me rekordin e ri Guinness, përmes një postimi në rrjetin e tij social Facebook ka shkruar edhe kryetari i komunës Skënderaj, Bekim Jashari.
“Artistët tonë, me veprat e tyre madhështore janë ambasadorë të shtetit tonë në arenën ndërkombëtare. Përkrahja ime si kryetar komune për artistët dhe të rinjtë tonë nuk do të mungoj asnjëherë”, shkruan ai.
Kjo nuk është hera e parë që artisja kosovare në fjale thyen një rekord Guiness pasi më parë, ne vitin 2018 ajo ka krijuar lulen më të madhe në botë të punuar nga letra origami.
Ministria e Jashtme në detyrë e Kosovës Meliza Haradinaj-Stublla , përmes një postimi në rrjetin e saj social Facebook ka shprehur urime të përzemërta për Arbnora Fejza-Idrizin, fitueses së çmimit Guinness për krijimin e mozaikun më të madh me Origami në botë, në të cilin paraqitet flamuri kosovar.
“Flamuri më i madh në botë i formuar me origami është ai i Kosovës, i njohur zyrtarisht nga Libri i Rekordeve Guinness! Falë përkushtimit të znj. Fejza-Idrizi dhe studentëve nga Skënderaj kjo u bë e mundur – Faleminderit që jeni ambasadorë të Kosovës.”, shkruan ajo në postim.
Sipas saj çdo vepër e mirë, secili gur/origami i vendosur për të mirën e Kosovës, është akti më i vlefshëm për ta bërë krenar vendin e popullin tonë.
Lajme të tjera
-
PE-ja miraton heqjen e vizave për shtetasit e Kosovës që kanë pasaporta të Serbisë
23 Prill, 14:36 -
DASH: Problemet me pavarësinë e gjyqësorit dhe kufizimet në lirinë e mediave, ndër shqetësimet kryesore për Kosovën
23 Prill, 09:44 -
Dështimi i votimit në Veri të Kosovës, kthim në situatën e para një viti
22 Prill, 22:57 -
BE: Rezultatet e votimit në veri të Kosovës nuk kontribuojnë në zbutjen e tensioneve! Masat ndaj Prishtinës do të vazhdojnë
22 Prill, 22:43 -
Raporti i DASH: Cila ishte gjendja e të drejtave të njeriut në Kosovë gjatë vitit 2023?
22 Prill, 22:22 -
Përplasja Kosovë-Serbi në OKB, Nesho në '5 Pyetjet': Vuçiç e quan Kosovën pjesë të sovranitetit të tij! Mulaj: Osmani bëri lëvizje të zgjuar
22 Prill, 21:20 -
Serbët bojkotuan votimin për shkarkimin e kryetarëve në veri, politologu për Report Tv: Skenar i Serbisë që të rritej presioni i ndërkombëtareve ndaj Kosovës
22 Prill, 13:49 -
Zyrtare/ BE kushtëzon integrimin e Serbisë me normalizimin e raporteve me Kosovën: Të zbatojë marrëveshjen e Ohrit
22 Prill, 12:19 -
Mero Baze: Kukullat e Vuçiçit, Kukullat e Albinit dhe Shqipërim Arifi
22 Prill, 11:07
-
Votimi për shkarkimin e 4 kryetarëve në veri dështoi pas bojkotit të serbëve, Qeveria e Kosovës: BE të heqë sanksionet e padrejta
22 Prill, 10:27 -
OKB/ Osmani prezanton të mbijetuarat e luftës: Serbia e ka tejkaluar agresionin ndaj Kosovës! Vuçiç: Qytetarët në Veri po diskriminohen
22 Prill, 08:10 -
Serbët bojkotojnë zgjedhjet, shqiptarët mbeten në krye të komunave në veri të Kosovës! Osmani: Vuçiç shkeli fjalën që u dha ndërkombëtarëve
21 Prill, 19:28
