Krim në familje! 80-vjeçari vret me sëpatë gruan dhe vëllanë e tij në Gramsh! Arrestohet autori! Viktima, solist i grupit të fyejve (EMRAT)

GRAMSH-  Një krim i dyfishtë është regjistruar mesditën e kësaj të premte në Gramsh, ky 80-vjeçari ka vrarë gruan dhe vëllanë e tij. Report Tv mëson se ngjarja e rëndë është regjistruar në fshatin  Tervol të Njësisë Administrative Pishaj. Autori, Xhevit Sinani ekzekutoi me sëpatë bashkëshorten e tij, Zegjine Sinani 74 vjeç dhe të vëllanë, Shaqir Sinani 73 vjeç për motive që ende nuk dihen. Fillimisht mësohet se ka vrarë bashkëshorten në banesën e tij dhe më pas ka shkuar tek i vëllai i cili ndodhej rreth 1 km larg shtëpisë së autorit. 

Gazetari i Report Tv, Ronaldo Gjoshi raporton se pas krimit, 80-vjeçari është arritur që të vihet në prangat e policisë.

"Shërbimet e Komisariatit të Policisë Gramsh, pas marrjes së njoftimit, rreth orës 14:50, se në fshatin Tervol, Gramsh, kishte ndodhur një krim i dyfishtë, janë nisur menjëherë drejt vendngjarjes. Nga veprimet e para hetimore rezultoi se shtetasi Xh. S., 80 vjeç, dyshohet se për motive të dobëta, ka vrarë, me send të mprehtë (sëpatë), bashkëshorten e tij, shtetasen Z. S., rreth 74 vjeçe, e cila ndodhej në banesë, dhe më pas ka vrarë vëllanë e tij, shtetasin Sh. S., 73 vjeç, i cili ndodhej në territorin e banesës së tij, rreth 1 kilometër larg nga banesa e autorit.

LEXO EDHE:
Kush e vrau Mëhallën në Elbasan? Policia ka videon, por s'gjen dot ekzekutorin! Ish-ortaku i arrestuar mohon lidhjen me ngjarjen. I treti në pranga 'kyç' gojën

Fale veprimeve të shpejta të shërbimeve të Policisë u bë kapja dhe shoqërimi i autorit, për në Komisariatin e Policisë Gramsh për veprime të mëtejshme.  Në cilësinë e provës materiale është sekuestruar mjeti i mprehtë sëpatë me të cilën autori  dyshohet që ka kryer krimin  e dyfishtë. Grupi hetimor, nën drejtimin e Prokurorisë, vijon punën për zbardhjen e plotë të rrethanave të ngjarjes", njofton policia. 

Ndërkaq, banorët e fshatit Tërvol dhe fqinjët e viktimave shprehen të tronditur për ngjarjen. Ata thonë se nuk ishin në dijeni të kishte ndonjë konflikt mes tyre, por pohojnë se së fundmi kishin dëgjuar se autori i këtij krimi kishte shfaqur probleme të shëndetit mendor.

Viktima, ishte njihet si fyelltar e solist i grupit të fyejve Gramsh. Faqja “Qyteti i Gramshit” ka publikuar një video, ku shfaqet viktima duke luajtur në fyell. Një gjë e tillë konfirmohet edhe nga vetë të afërmit.

“Ishte njeri i zgjuar. Viktima i binte fyellit gjëra, ishte artist. Ishte në ansamblin e Gramshit. Kishte qef ta dëgjoje kur dilte ai në festivale. Jemi habitur”, tha një prej banorëve.

Report Tv ka shkuar në vendin e ngjarjes, në një zonë të thellë malore, siç shihet në pamje.

Pritet të zbardhet dëshmia e tij për të mësuar mbi shkaqet e kësaj tragjedie.

Shtëpia e autorit dhe një prej viktimave

Rendit zhvillimet sipas orarit:

Të Fundit Të Parat