Pirandelo, nobelisti italian, vijon të jetë një provokim i madh për teatrin e sotëm. Për këtë do të mjaftonte si argument teksti i vetë dramës “Gjashtë personazhe në kërkim të autorit”. Kjo vepër nuk është vetëm një tekst drame. Aty mendohet të jetë shkruar në formë palimpsesti edhe një testament për regjisorët e aktorët që guxojnë ta marrin përsipër për ta ngjitur në skenë këtë dramë, dhe jo vetëm këtë.