Pentagoni ka ofruar detaje të reja trajtimit të fshehtë në spital të Sekretarit të Mbrojtjes Lloyd Austin. Ai u operua për kancerin e prostatës në fund të dhjetorit, sipas Qendrën Mjekësore Ushtarake Walter Reed.
Siç njofton korrespondentja e Zërit të Amerikës, Carla Babb, Sekretari Austin më 1 janar u dërgua urgjentisht në njësinë e kujdesit intensiv për shkak të komplikimeve nga operacioni, ndërsa Shtëpia e Bardhë nuk ishte njoftuar fare. Kjo ka nxitur disa ligjvënës republikanë të kërkojnë dorëheqjen e tij, ndonëse Pentagoni thotë se zoti Austin nuk ka në plan ta bëjë këtë.
Sekretari i Mbrojtjes Lloyd Austin mbetet i shtruar në spital pasi u dërgua me urgjencë në Qendrën Mjekësore Kombëtare Ushtarake Walter Reed më 1 janar për një infeksion pas operacionit për të trajtuar dhe kuruar kancerin e prostatës.
“Infeksioni i tij është pastruar. Gjendja e tij vazhdon të përmirësohet dhe ne parashikojmë një rikuperim të plotë, megjithëse ky mund të jetë një proces i ngadaltë”, tha gjeneralmajori Pat Ryder, zëdhënës i Pentagonit.
Zëdhënësi i Këshillit të Sigurisë Kombëtare të Shtëpisë së Bardhë, John Kirby tha se zoti Austin nuk e njoftoi presidentin Biden për diagnostikimin me kancer deri të martën, më shumë se dy javë pas operacionit në dhjetor dhe tetë ditë pasi u dërgua me urgjencë në spital më 1 janar.
“Askush në Shtëpinë e Bardhë nuk e dinte se sekretari Austin kishte kancer në prostatë deri të martën në mëngjes”, tha zoti Kirby.
Sekretari Austin ia transferoi autoritetin zëvendësit të tij më 2 janar pa shpjegime, diçka që Pentagoni thotë se mund të ndodhë për një sërë arsyesh rutinë. Ekipi i zotit Austin nuk e njoftoi Presidentin Biden e as Zëvendës Sekretaren e Mbrojtjes, Kathleen Hicks për shtrimin në spital për tre ditë.
Pentagoni nuk e bëri të ditur publikun se zoti Austin ishte në spital për katër ditë.
“Ne e pranojmë se duhet të bëjmë një punë më të mirë për sa i përket afateve kohore dhe transparencës, veçanërisht kur bëhet fjalë për shëndetin e sekretarit dhe jemi të përkushtuar që të bëjmë një punë më të mirë herën tjetër”, thotë zëdhënësi i Pentagonit, Gjeneralmajor, Pat Ryder.
Disa ligjvënës republikanë tani po bëjnë thirrje për dorëheqjen e zotit Austin, por Pentagoni thotë se kjo nuk do të ndodh.
“Ai nuk e ka në plan të japë dorëheqjen”, thotë Gjeneralmajori Ryder.
Shtëpia e Bardhë njofton se Sekretari i Mbrojtjes Lloyd Austin gëzon besimin e plotë të presidentit./VOA
Lajme të tjera
-
Zgjedhjet presidenciale në SHBA, nata e gjatë e zgjedhjeve të 5 nëntorit! Ja çfarë do të ndodhë orë pas ore
4 Nëntor, 19:15 -
Përse Wisconsin është thelbësor në garën presidenciale të vitit 2024?
4 Nëntor, 18:47 -
Biden: Rizgjedhja e presidentes proevropiane në Moldavi, dëshmi e 'dështimit' të Rusisë
4 Nëntor, 18:19 -
Zgjedhjet në SHBA, Monika Lewinsky thirrje amerikanëve: Unë e hodha votën për Harris! Votoni edhe ju
4 Nëntor, 18:15 -
Harris dhe Trump përgatiten për beteja ligjore nëse nuk do të ketë fitues të qartë
4 Nëntor, 16:07 -
Zgjedhjet në Amerikë/ Harris e Trump japin mesazhet e fundit! Tre shtete në alarm për sigurinë! Qendrat e votimit me xhama antiplumb e dyer çeliku! Rrethohet Shtëpia e Bardhë e Capitol Hill
4 Nëntor, 15:47 -
Zgjedhjet në SHBA, ministrja e Jashtme e Kosovës: Nuk besojmë se do ndryshojë mbështetja ndaj nesh pavarësisht fituesit
4 Nëntor, 15:39 -
Irani e cilëson si 'destabilizues' dislokimin e bombarduesve amerikanë
4 Nëntor, 14:45 -
Zgjedhjet në SHBA/ A ka Europa partner bisedimesh për Trumpin në rast krize marrëdhëniesh?
4 Nëntor, 09:18 -
Si do të ndikojë rezultati zgjedhor në politikën e Uashingtonit ndaj Iranit?
4 Nëntor, 08:59 -
Zgjedhjet në SHBA/ Çfarë do të bënin Kamala Harris dhe Donald Trump në pushtet? Një vështrim mbi politikat kryesore të fushatës
4 Nëntor, 07:54 -
Harris dhe Trump për Ballkanin, luftë kundër korrupsionit dhe ndikimeve keqdashëse
3 Nëntor, 20:50
