Partia Demokratike ka preferuar t'i kalojë në heshtje kritikat të ambasadorit amerikan në Tiranë, Donald Lu, për reformën në drejtësi, por kundër kësaj linje ka dalë Genc Pollo, i cili ka reaguar ashpër në rrjetet sociale.
 
Pollo thotë se reforma po shfrytëzohet për populizëm, arrogancë dhe folklorizëm.  
 
“Përsëri populizëm, arrogancë e madje folklorizëm mbi reformën në drejtësi. Shqip e anglisht. Duhet të bëhet, do të bëhet por siç duhet!!”, shkruan deputeti demokrat Genc Pollo.
 
genc pollo

Në një editorial kushtuar të rinjve një ditë më parë, ambasadori amerikan tha se “është e vërtetë që Z. Rama dhe Z. Basha u përpoqën ta bënin këtë më 6 qershor, por dështuan në arritjen e një marrëveshjeje".

Kryediplomati amerikan kritikoi qasjen e kryetarit demokrat, Lulzim Basha, për të cilin u shpreh se gjithmonë ka gjetur diçka për të refuzuar reformën në drejtësi.
 
"Tre herë që prej 4 majit, Shtetet e Bashkuara dhe Bashkimi Evropian kanë ofruar propozime të arsyeshme kompromisi. Mazhoranca i ka pranuar këto propozime. Z. Basha ka gjetur gjithmonë diçka për të refuzuar”, shkruante Lu në editorialin e titulluar "Një thirrje për brezin e ri të Shqipërisë”. 

Redaksia Online
l.q/Shqiptarja.com