POP 5

Lajmet më të lexuara të 5 minutave të fundit

Politikë

Kritikat ndaj Bashës, Topalli 
 bojkoton protestën e PD-së

Ndonëse u proklamua si një protestë e opozitës së bashkuar, ku si specifikë e organizimit ishte edhe kontributi i partive aleate, nga ana tjetër vetë Partia Demokratike nuk ishte e plotë. Ish numri dy i kësaj force politike, Jozefina Topalli ka bojkotuar tubimin para Kryeministrisë, duke konfirmuar problemet e saj me lidershipin demokrat. 
Kritikat ndaj Bashës, Topalli <br /> bojkoton protestën e PD-së
Ndonëse u proklamua si një protestë e opozitës së bashkuar, ku si specifikë e organizimit ishte edhe kontributi i partive aleate, nga ana tjetër vetë Partia Demokratike nuk ishte e plotë.

Ish numri dy i kësaj force politike, Jozefina Topalli ka bojkotuar tubimin para Kryeministrisë, duke konfirmuar problemet e saj me lidershipin demokrat.

Ndonëse ka qenë në vijën e parë të çdo tubimi të opozitës, Topalli nuk ishte dje në rreshtin e parë të protestuesve ku ishin kryetari i Partisë Demokratike, Lulzim Basha, ish kryeministri, Sali Berisha, deputetët e grupit parlamentar, përfaqësues të partive aleate, ish të përndjekurit, ish themelues të PD dhe ish studentë të lëvizjes së dhjetorit ’90, studentë dhe përfaqësues të biznesit.

Madje, Topalli nuk ka uruar as në rrjetet sociale, një tjetër tregues ky i “thyerjes” së saj me politikën aktuale të selisë blu dhe lidershipit demokrat.

Shqiptarja.com mëson se ish-kryeparlamentarja Topalli gjatë ditës së djeshme por edhe aktualisht ndodhet në Gjermani.
 
I çuditshëm mbetet fakti se mungesa e Topallit dje vjen në kohë kur ajo, jo më larg se 2 javë më parë në Kuvend, bënte thirrje për një dhjetor të dytë, duke nënkuptuar kështu rrëzimin e qeverisë në pushtet. Ende nuk dihen arsyet e mungesës së Topallit në protestë, ndërsa selia blu nuk ka preferuar të komentojnë mungesën e saj.

Që prej humbjes së opozitës në zgjedhjet vendore të 21 qershorit, Topalli ka ashpërsuar kritikat e saj në adresë të lidershipit demokrat.



Redaksia Online
(b.h/Shqiptarja.com)
 

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Spahiu: Qeveria teknike e 2017 kishte 10 ministra nga PD por humbi 10 herë më thellë

Spahiu: Qeveria teknike e 2017 kishte 10 ministra nga PD por humbi 10 herë më thellë

23 Dhjetor, 23:01