Kritikohet videoklipi
më i ri i Jennifer Lopez

Video më e fundit e Jennifer Lopez është kritikuar nga Instituti amerikan i Kulturës dhe Mediave, pasi këngëtarja ka tejkaluar kufirin me prekjet erotike së bashku me të dashurin e saj Casper Smart. Dan Gainor zëvendëspresident i organizatës është shprehur se këngëtarja Lopez duhet të pyesë veten në qoftë se do të lejonte që fëmijët e saj të shihnin video të tilla. “Fëmijët nuk duhet të shohin këto gjëra dhe është e vështirë për prindërit të kontrollojnë përmbajtjen e gjithçkaje që jepet në televizion”, -ka shtuar Gainor. Video më e re e Lopez “Dance Again” vjen si një bashkëpunim i saj me Pitbull dhe ka disa ditë që është lançuar në tregun muzikor.(xh.k/shqiptarja.com)