Kriza e Sirisë, përleshje në Liban mes grupeve sunite e alawite

TRIPOLI, Liban – Të paktën shtatë njerëz kanë vdekur dhe shumë të tjerë janë plagosur në qytetin bregdetar libanez të Tripolit, si pasojë e përleshjeve që kanë lidhje me situatën përtej kufirit, në Siri.

Mbështetës dhe kundërshtarë të kryengritjes kundër presidentit Bashar al-Assad sulmuan njëri-tjetrin me armë dhe granatahedhës.

Tensionet në qytetin port në veri të libanit janë ndjerë në fakt që prej fillimit të përplasjeve në Siri. Muajt e fundit grupe të armatosura të komunitetit alaëit janë përleshur me luftëtarë të komunitetit sunit që kerkojnë të rrëzojnë regjimin e Assad.

(ep/shqiptarja.com)