Sot është verifikuar një defekt edhe më i madh, gati gjysma e Indisë është pa drita, metroja e Delhit është mbyllur dhe mbi 100 trena në kryeqytet kanë mbetur në vend.
Mediat thonë se rreth 600 milionë banorë janë prekur nga mungesa e energjisë pasi rrjeti verior dhe ai lindor i vendit pësuan kolaps.
Dje pushoi së punuari rrjeti verior, duke lënë pa energji veriun e vendit prej orës 2 të mëngjesit deri rreth orës 8, kur energjia nisi të kthehej në spitale, metro e pika të tjera kyçe.
Ministri i energjisë së Indisë tha dje se ishte e paqartë arsyeja e ndërprerjes së energjisë, ndërsa dyshohet se një nga shkaqet mund të ishte ngarkesa e madhe në rrjet.
Ndërkaq, sot problemi është kthyer edhe më i rëndë me dy nga rrjetet kryesore të vendit që kanë pushuar së funksionari.
Kjo është kriza më e madhe energjetike që godet Indinë në dekadën e fundit.
(km/Shqiptarja.com)